©instagram/kritikakyzylordy
قىزىلوردا تۇرعىنى بازاردا 1 700 000 تەڭگە جوعالتىپ الىپ, ەلەۋمەتتٸك جەلٸدە تاۋىپ العاندار بولسا قايتارۋدى سۇراپ جازبا قالدىردى, - دەپ حابارلايدى Tengrinews.kz اگەنتتٸگٸ.
Instagram ەلەۋمەتتٸك جەلٸسٸندەگٸ kritikakyzylordy-پاراقشاسىندا قىزىلوردالىق ەرەكشە حابارلاندىرۋ جارييالاندى.
"بٷگٸن, 8 جەلتوقساندا ساعات 9-دان ٶتە "ميراس" ساۋدا ٷيٸ مەن "اسدەكور" دٷكەنٸنٸڭ اراسىنا 1 700 000 تەڭگە كٶلەمٸندە اقشا تٷسٸپ قالعان. تاپقان ادامعا سٷيٸنشٸسٸ بار. العان ادام قايتارىپ بەرۋٸڭٸزدٸ سۇرايمىن. بولماسا قۇزىرلى ورگاندارعا جٷگٸنەمٸز", - دەپ جازدى پوست اۆتورى.
پٸكٸر قالدىرعان قولدانۋشىلاردىڭ كٶبٸ كەز كەلگەن ادام مۇنداي ٷلكەن سومانى قايتارىپ بەرەدٸ دەگەنگە كٷمەندانادى.
"تاپقان ادام قۋانعانىنان جىلاپ جاتقان شىعار. قولىندا سونشا اقشا باردا, سٷيٸنشٸ وعان نە كەرەك! مۇنداي سومانى قالاي تٷسٸرٸپ الىپ جٷر? ٶزٸمٸز قالاتامىزدا 20 مىڭ تەڭگە بولسا تٷسٸرٸپ الامىز با دەپ دٸرٸلدەپ كەتەمٸز. جەلٸگە حابارلاندىرۋ ەمەس, پوليتسيياعا ارىز جازۋ كەرەك", - دەدٸ قولدانۋشى.
قالالىق پوليتسييا دەپارتامەنتٸنٸڭ باسپاسٶز قىزمەتٸ ولارعا مۇنداي ٶتٸنٸشپەن ەشكٸم حابارلاسپاعانىن حابارلادى.
"ٸس تٸركەلگەن جوق", - دەدٸ ۆەدومستۆونىڭ باسپاسٶز قىزمەتٸ ٶكٸلدەرٸ.
