Foto: elements.envato.com
Tehnikalyq qate jibergen Shieli aýdandyq bilim bóliminiń memlekettik satyp alýǵa jaýapty mamany, sondai-aq Qarmaqshy aýdanyndaǵy №275 orta mekteptiń bas esepshisi tártiptik jaýapkershilikke tartyldy. Olar eskertý aldy, - dep habarlaidy Tengrinews.kz.
Qyzylorda oblysynyń bilim basqarmasy "Satyp alýdyń biryńǵai terezesi" veb-portaly arqyly taýarlar men qyzmetterdi memlekettik satyp alý baǵasyna monitoring júrgizý barysynda sybailas jemqorlyqqa qarsy qyzmet anyqtaǵan derekterge zertteý júrgizgen.
"Josparlanǵan jumystarǵa sáikes Shieli aýdandyq bilim bólimi bir litr emes, bir lot kórsetken, iaǵni jyldyq somasy 14 million 577 myń teńge bolǵan. "Tabiǵi sút" lotynyń bir litrin 223,21 teńgege, QQS-syz 199,29 teńge somasyna belgileý josparlanǵan. Al Qarmaqshy aýdanyndaǵy №275 orta mektepte jyldyq jospardy memlekettik satyp alý portalyna ornalastyrý kezinde tehnikalyq qate jiberilgen. Iaǵni, 1 kúrteshe baǵasy 16 701,43 teńge bolýy kerek edi, biraq durys qoiylmaǵan útir kesirinen 1 million 670 myń 14 teńge bolyp qalǵan", - dedi oblystyq bilim basqarmasynyń basshysy Aqzira Qasymova.
