Aldaǵy 5 jylda jumysshylardyń daǵdylary 40 paiyzǵa ózgeredi. Bul týraly Úkimet otyrysynda QR Eńbek jáne halyqty áleýmettik qorǵaý ministri Serik Shápkenov aitty, dep habarlaidy QazAqparat.
«Qazirgi eńbek naryǵyndaǵy tendentsiialardy eskersek, sarapshylar jaqyn 5 jyldyqta jumysshylardyń daǵdylary, talaptardyń 40 paiyzǵa jýyǵy ózgeredi dep boljaýda. Eńbek resýrstarynyń kásiptik daǵdylaryn damytý jáne kásiptik baǵdarlaý baǵytynda birqatar is-sharany qolǵa alamyz.
Birinshiden - biznespen birlesip, kásiporyndar janyndaǵy oqý ortalyqtary negizinde jappai qaita daiarlaý, biliktilikti arttyrý «fabrikalaryn» qurý. Oqýdy uiymdastyrýda jastarǵa, suranysy joǵary mamandyqtarǵa erekshe mán beriletin bolady.
Ekinshiden, suranysqa ie daǵdylardy taný júiesi engiziledi. Memleket basshysy Qasym-Jomart Kemelulynyń tapsyrmasy boiynsha ministrlik «Ulttyq biliktilik júiesi týraly» zań jobasyn ázirleýde. Onyń aiasynda táýelsiz biliktilikti taný ortalyqtaryn qurýǵa tiimdi jaǵdai jasaý, jyl saiyn sertifikatsiialaýdan ótý úshin jumys izdeýshilerge keminde 1 000 vaýcher usyný qarastyrylady», - dedi ministr.
Onyń atap ótýinshe, úshinshiden, Skills.enbek.kz platformasynda onlain oqý arqyly jańa bilim men daǵdylardy igerýge jaǵdai jasalady.
«Tórtinshiden, oqýshylar men jastar arasynda kásiptik baǵdarlaýdy uiymdastyrý úshin mansaptyq ilgerileý boiynsha keminde 100 nusqaýlyq ázirlenip, joǵary synyp oqýshylary qamtylady. Sonymen qatar, suranysqa ie mamandyqtar men bolashaǵy zor daǵdylardyń tizimi jyl saiyn jańalanatyn bolady. Atalǵan sharalar jumys berýshilerdiń suranysyna qarai kadrlar daiyndaýǵa, jastardy eńbek naryǵynda suranysqa ie mamandaqtar men daǵdylar týraly aqparattandyrýǵa, olarǵa mamandyq tańdaýda qoldaý kórsetýge múmkindik beredi», - dedi Serik Shápkenov.
