الداعى 5 جىلدا جۇمىسشىلاردىڭ داعدىلارى 40 پايىزعا ٶزگەرەدٸ. بۇل تۋرالى ٷكٸمەت وتىرىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ ايتتى, دەپ حابارلايدى قازاقپارات.
«قازٸرگٸ ەڭبەك نارىعىنداعى تەندەنتسييالاردى ەسكەرسەك, ساراپشىلار جاقىن 5 جىلدىقتا جۇمىسشىلاردىڭ داعدىلارى, تالاپتاردىڭ 40 پايىزعا جۋىعى ٶزگەرەدٸ دەپ بولجاۋدا. ەڭبەك رەسۋرستارىنىڭ كەسٸپتٸك داعدىلارىن دامىتۋ جەنە كەسٸپتٸك باعدارلاۋ باعىتىندا بٸرقاتار ٸس-شارانى قولعا الامىز.
بٸرٸنشٸدەن - بيزنەسپەن بٸرلەسٸپ, كەسٸپورىندار جانىنداعى وقۋ ورتالىقتارى نەگٸزٸندە جاپپاي قايتا دايارلاۋ, بٸلٸكتٸلٸكتٸ ارتتىرۋ «فابريكالارىن» قۇرۋ. وقۋدى ۇيىمداستىرۋدا جاستارعا, سۇرانىسى جوعارى ماماندىقتارعا ەرەكشە مەن بەرٸلەتٸن بولادى.
ەكٸنشٸدەن, سۇرانىسقا يە داعدىلاردى تانۋ جٷيەسٸ ەنگٸزٸلەدٸ. مەملەكەت باسشىسى قاسىم-جومارت كەمەلۇلىنىڭ تاپسىرماسى بويىنشا مينيسترلٸك «ۇلتتىق بٸلٸكتٸلٸك جٷيەسٸ تۋرالى» زاڭ جوباسىن ەزٸرلەۋدە. ونىڭ اياسىندا تەۋەلسٸز بٸلٸكتٸلٸكتٸ تانۋ ورتالىقتارىن قۇرۋعا تيٸمدٸ جاعداي جاساۋ, جىل سايىن سەرتيفيكاتسييالاۋدان ٶتۋ ٷشٸن جۇمىس ٸزدەۋشٸلەرگە كەمٸندە 1 000 ۆاۋچەر ۇسىنۋ قاراستىرىلادى», - دەدٸ مينيستر.
ونىڭ اتاپ ٶتۋٸنشە, ٷشٸنشٸدەن, Skills.enbek.kz پلاتفورماسىندا ونلاين وقۋ ارقىلى جاڭا بٸلٸم مەن داعدىلاردى يگەرۋگە جاعداي جاسالادى.
«تٶرتٸنشٸدەن, وقۋشىلار مەن جاستار اراسىندا كەسٸپتٸك باعدارلاۋدى ۇيىمداستىرۋ ٷشٸن مانساپتىق ٸلگەرٸلەۋ بويىنشا كەمٸندە 100 نۇسقاۋلىق ەزٸرلەنٸپ, جوعارى سىنىپ وقۋشىلارى قامتىلادى. سونىمەن قاتار, سۇرانىسقا يە ماماندىقتار مەن بولاشاعى زور داعدىلاردىڭ تٸزٸمٸ جىل سايىن جاڭالاناتىن بولادى. اتالعان شارالار جۇمىس بەرۋشٸلەردٸڭ سۇرانىسىنا قاراي كادرلار دايىنداۋعا, جاستاردى ەڭبەك نارىعىندا سۇرانىسقا يە مامانداقتار مەن داعدىلار تۋرالى اقپاراتتاندىرۋعا, ولارعا ماماندىق تاڭداۋدا قولداۋ كٶرسەتۋگە مٷمكٸندٸك بەرەدٸ», - دەدٸ سەرٸك شەپكەنوۆ.
