«Sur mainerlerdiń» múlkin tárkileý zańnamada qarastyrylatyn bolady. Bul týraly Úkimet otyrysynda QR Tsifrlyq damý, innovatsiialyq jáne aeroǵarysh ónerkásibi ministri Baǵdat Mýsin aitty, dep habarlaidy QazAqparat.
«Tsifrlyq maining boiynsha negizgi is-sharalar 3 baǵyt boiynsha júrgiziledi. «Sur mainerler» boiynsha birinshiden, Energetika ministrligi jáne quqyqtyq organdardan qurylǵan mobildi toptardyń revolverlik tekserý júiesi engiziletin bolady. Ekinshiden, olardy júieli túrde anyqtaý úshin uiymdardyń tizimi jasalyp, tutynylatyn elektr energiiasynyń tarihi derekteri qurylady jáne salyqtyq, kedendik tekserýlerdiń naqty algoritmi qoldanylatyn bolady. Úshinshi, ýákiletti organdarmen birlese otyryp, IR adresterge shekteý qoiý arqyly sur mainerlerdiń is-áreketine tyiym salý tetikteri pysyqtalady», - dedi ministr.
Sondai-aq ol tiimdi sheshimderdiń biri «sur mainerlerdiń» múlkin tárkileýdi zańnamada qarastyrý máselesi talqylanatyndyǵyn basa aitty.
«Atalǵan is-sharalar Ulttyq qaýipsizdik komiteti, Energetika jáne Qarjy ministrlikterimen birlesip qabyldanady.
