QR Úkimeti alańynda ótken baspasóz konferentsiiasy barysynda QR saýda jáne integratsiia ministri Baqyt Sultanov Qazaqstan men Qytai arasyndaǵy saýda shekaralary ádettegi qalypty rejimde jumys istep turǵanyn aitty, dep habarlaidy "Ult aqparat" primeminister.kz saityna silteme jasap.
«Taýarlar ainalymy virýstyń taralýyna áser etpeidi,sondyqtan búgingi tańda taýarlardyń jetkizilýine shekara ashyq. Qol qoiylǵan kelisimsharttar jumysyn jalǵastyrýda. Basty aita keterligi, Ýhan boiynsha shyǵyn joq, biz Ýhanǵa kelgen kede óndirýshilerimizdi ala keldik. Qytailyqtar tegin pavilondardy usyndy, onda bizdikiler óz ónimderin qoidy. Qytaiǵa jetkizilgen taýarlardyń barlyǵy satyldy. Qazirgi tańda jańa jetkizilimder týraly másele qarastyrylýda», — dedi B. Sultanov.
Onyń aitýynsha, Qytai importynyń úlesi tek 0,1% quraidy. Eger Qytaidan Qazaqstan naryǵyna taýarlar jetkizý toqtatylsa da, bul ónimniń baǵasyn qurýǵa esh áser etpeýi tiis.
Saýda jáne integratsiia ministri osy jyldyń qańtar aiynda baǵalardyń 0,3%-ǵa maýsymdyq ósimi baiqalatynyn atap ótti. Sonymen qatar, ol ótken jyldyń qańtar aiyndaǵy kórsetkishke qaraǵanda 2 ese az. Eger astyqtyń jetkilikti kólemde shyqpai qalýy men eksportqa bailanysty barlyq obektivti faktorlardy shektese, onda baǵa ósiminiń sebebi — baǵalardyń monitoringi jáne jedel sharalar qabyldaý boiynsha ákimdikterdiń jetkiliksiz jumys isteýi. Ótken jyly barlyq óńirlerde shekti baǵadan asyp túsken 67 jaǵdai tirkelgen.
«2019 jyly monopoliiaǵa qarsy organ 198 habarlama jiberdi, onyń ishinde 83-i – saýda jelilerine. Onyń 182-si oryndaldy, onyń 75-in saýda jelileri oryndady. Bul baǵanyń ósýin birshama turaqtandyrýǵa múmkindik berdi. Ósim tek 0,1% kóleminde tirkeldi, bul ótken jyldarǵa qaraǵanda birshama az. Jergilikti atqarýshy organdar júieli túrde jumys isteýi qajet, ákimder óndiris pen tutyný teńgerimin taldaý boiynsha, óńirler arasyndaǵy ainalym boiynsha belsendi jumys istep, kásipkerlerge tikelei bailanys ornatýǵa kómektesýi qajet», — dedi ministr.
B. Sultanov osyndai balamaly quraldardyń biri «ainalym shemasy» dep atalatyn jeńildikti qarjylandyrý arqyly baǵany ustap turý mindettemelerin qabyldaý boiynsha saýda jelilerin yntalandyrý tetigi bolyp tabylatynyn atap ótti.
