Búgin májilis otyrysyna kelip, zań jobasy boiynsha baiandama jasaǵan qarjy ministri Baqyt Sultanov májilis tóraǵasy Nurlan Nyǵmatýlinnen "maqtaý sóz" estidi, dep habarlaidy Sputnik Qazaqstan tilshisi.
Búgin Májiliste Qazaqstan men Belarýs úkimeti arasyndaǵy tabys pen múlikke qosarlanǵan salyq salýdy boldyrmaý jáne salyq tóleýden jaltarýǵa jol bermeý týraly hattamany ratifikatsiialaý boiynsha ministr Baqyt Sultanov baiandama jasady. Ol osy zań jobasy boiynsha depýtattardyń suraǵyna múdirmesten jaýap berip jatqan kezde májilis tóraǵasy Nurlan Nyǵmatýlin onyń osy ónerine tánti ekenin aityp qaldy.
"Sizdiń suraqqa jaýap berýińizge árdaiym tánti bolamyn (kúledi). Siz stýdenttik jyldary úzdik stýdent bolǵan shyǵarsyz. Siz emtihan kúnderi bir aýditoriiadan kez kelgen oqytýshyǵa kirgen bolarsyz. Óitkeni barlyq suraqtarǵa sizdiń jaýabyńyz ámbebap", — dep ázildedi Nyǵmatýlin.
"Qyzyl diplom…", — dep jaýap berdi oǵan Sultanov.
"Oǵan eshkim kúmán keltirmeidi", — degen tóraǵanyń sózine depýtattar qosylyp kúldi.
