Saýda jáne integratsiia ministri Baqyt Sultanov koronavirýs infektsiiasyna bailanysty sýpermarketter men bazarlarda týyndaǵan dúrbeleńge bailanysty qazaqstandyqtardy sabyrǵa shaqyrdy, dep habarlaidy QazAqparat.
«Bizde dúrbeleń bar degen sóz shyqsa, ol aqparatqa senbeýge shaqyramyn. Áleýmettik jelilerde sýpermarketten túsirilgen sýrettiń tarap jatqanyn kórdińizder. Kez kelgen sýpermarkette árqashan ártúrli sýretti túsirip, tarata berýge bolatynyn bilesizder. Ónimder týraly aitar bolsam, eshqandai jetispeýshiliktiń joqtyǵyn atap ótkim keledi. Aqparattyń azdyǵy sezilýi múmkin, biraq biz taýarlardyń jetispeýshiligine jol bermeimiz. Bul bárimizge bailanysty. Dúrbeleń týǵyzýdyń qajeti joq», - dedi Baqyt Sultanov OKQ-de ótken baspasóz máslihatynda.
Onyń aitýynsha koronavirýstyń taralýyna qarsy teńdessiz sharalar Qazaqstandaǵy karantindi uzaqqa aparmaidy. Sonymen qatar ol Qazaqstanda áleýmettik mańyzy bar azyq-túlik boiynsha jaǵdai turaqty ekenin jetkizdi.
«Eger ótken jyly biz aitarlyqtai ósimdi baiqasaq, al búgingi kúni ósimdi týyndatar barlyq sebep joiyldy. Alǵashqy eki aida sońǵy bes jyldaǵy ósimniń eń minimaldy deńgeiin kórip otyrmyz. Osy kezeńde 19 áleýmettik mańyzy bar taýarlar toptarynda 0,6 paiyzdyq ósim baiqaldy», - dedi Baqyt Sultanov.
Sonymen qatar ministr azyq-túlik baǵasy baqylaýda ekenin jetkizdi.
«Eshqandai problema joq. Eshqandai tapshylyq bolmaidy. Árine kásipkerler qoldan baǵany kóteremin dese, bunyń bárine spekýliatsiia dep baǵa berý kerek. Bul rette tiisti memlekettik organdar jumys istep jatyr», - dedi ol.
