Azyq-túlik baǵasyn turaqtyndyra almaǵan ákim orynbasarlaryn jaýapkershilikke tartý qajet. Bul týraly Úkimet otyrysynda QR Saýda jáne integratsiia ministri Baqyt Sultanov aitty, dep habarlaidy "Ult aqparat".
«Áleýmettik mańyzy bar taýarlardyń baǵasyn ustap turý boiynsha óńirlerdiń jaýapkershiligin atap ótken jón. Olardyń jumysyn taldaý qorytyndylary boiynsha ministrlik 1-toqsanda atqarylǵan jumys týraly aqparat engizedi jáne sharalardyń naqty nátijeleri bolmaǵan jaǵdaida biz ákimderiniń jetekshilik etetin orynbasarlaryn jaýapkershilikke tartý týraly máselege bastamashy bolamyz», - dedi agroónerkásiptik keshendi damytýdyń negizgi baǵyttary jáne investitsiialyq jobalardyń iske asyrylýy týraly baiandaǵan Baqyt Sultanov.
Onyń aitýynsha, azyq-túlik baǵasyn turaqtandyrýda naryqtyń forvardtyq satyp alý jáne «ainalym shemasy» syndy quraldary tiimdiligin kórsetip otyr. Búgingi tańǵa jergilikti biýdjetterden atalǵan quraldarǵa 21,9 mlrd teńge bólindi.
«Tetik tiimdi, degenmen naryqqa aitarlyqtai áser etý úshin qarjylandyrýdy keńeitý qajet. Otandyq óndirýshilermen kelisimsharttardy «qolmen basqarý» rejiminde júrgize otyryp, jelilerge arzandatylǵan kreditterdi 50 mlrd teńgege deiin ulǵaitý kerek», - dedi ol.
