Atyraýda bir otbasynyń tórt múshesin óltirgeni úshin ómir boiyna bas bostandyǵynan aiyrylǵan Sultan Sársemaliev 19 qyrkúiekte Jezqazǵandaǵy №62 koloniiaǵa etappen jetkizildi, dep habarlaidy ult.kz.
Sot oǵan 14 shildede ómir boiyna bas bostandyǵynan aiyrý jazasyn taǵaiyndaǵan. Sottalǵan azamat úkimge shaǵym túsirmegendikten, úkim 3 qyrkúiekte zańdy kúshine endi.
Jezqazǵannyń ónerkásiptik aimaǵynda ornalasqan №62 mekeme buryn aralas qaýipsizdik rejimindegi koloniia bolǵan. 2026 jyly ony ómir boiyna sottalǵandardy ustaýǵa beiimdeý týraly sheshim qabyldanǵan. Qazir mekemede jóndeý jáne qaita jabdyqtaý jumystary júrgizilip jatyr.
Sársemaliev 2025 jyldyń sońynda Atyraýda habar-osharsyz ketken tórt adamǵa qatysty qylmys boiynsha halyqaralyq izdeýge jariialanǵan. Ol Indoneziiada ustalyp, keiin Qazaqstanǵa jetkizilgen.
Tergeý barysynda onyń bergen jaýaby negizinde joǵalǵan otbasy músheleriniń máiitteri tabyldy. Keiin Sársemaliev tórt adamdy óltirgeni úshin ómir boiyna sottaldy.
№62 mekemesine taǵy qandai sottalǵandar jetkizilgeni jáne onda qansha adam otyrǵany týraly Qylmystyq-atqarý júiesi departamenti aqparat bermedi.
