اتىراۋدا بٸر وتباسىنىڭ تٶرت مٷشەسٸن ٶلتٸرگەنٸ ٷشٸن ٶمٸر بويىنا باس بوستاندىعىنان ايىرىلعان سۇلتان سەرسەماليەۆ 19 قىركٷيەكتە جەزقازعانداعى №62 كولونيياعا ەتاپپەن جەتكٸزٸلدٸ, دەپ حابارلايدى ult.kz.
سوت وعان 14 شٸلدەدە ٶمٸر بويىنا باس بوستاندىعىنان ايىرۋ جازاسىن تاعايىنداعان. سوتتالعان ازامات ٷكٸمگە شاعىم تٷسٸرمەگەندٸكتەن, ٷكٸم 3 قىركٷيەكتە زاڭدى كٷشٸنە ەندٸ.
جەزقازعاننىڭ ٶنەركەسٸپتٸك ايماعىندا ورنالاسقان №62 مەكەمە بۇرىن ارالاس قاۋٸپسٸزدٸك رەجيمٸندەگٸ كولونييا بولعان. 2026 جىلى ونى ٶمٸر بويىنا سوتتالعانداردى ۇستاۋعا بەيٸمدەۋ تۋرالى شەشٸم قابىلدانعان. قازٸر مەكەمەدە جٶندەۋ جەنە قايتا جابدىقتاۋ جۇمىستارى جٷرگٸزٸلٸپ جاتىر.
سەرسەماليەۆ 2025 جىلدىڭ سوڭىندا اتىراۋدا حابار-وشارسىز كەتكەن تٶرت ادامعا قاتىستى قىلمىس بويىنشا حالىقارالىق ٸزدەۋگە جارييالانعان. ول يندونەزييادا ۇستالىپ, كەيٸن قازاقستانعا جەتكٸزٸلگەن.
تەرگەۋ بارىسىندا ونىڭ بەرگەن جاۋابى نەگٸزٸندە جوعالعان وتباسى مٷشەلەرٸنٸڭ مەيٸتتەرٸ تابىلدى. كەيٸن سەرسەماليەۆ تٶرت ادامدى ٶلتٸرگەنٸ ٷشٸن ٶمٸر بويىنا سوتتالدى.
№62 مەكەمەسٸنە تاعى قانداي سوتتالعاندار جەتكٸزٸلگەنٸ جەنە وندا قانشا ادام وتىرعانى تۋرالى قىلمىستىق-اتقارۋ جٷيەسٸ دەپارتامەنتٸ اقپارات بەرمەدٸ.
