- Parlament Májilisi V shaqyrylymynyń depýtaty Nurlan Jazylbekov Mysyrdaǵy Kair qalasynda bolyp, Sultan Beibarys meshitin qalpyna keltirý jumystarymen tanysyp qaitty, dep xabarlaidy "Ult aqparat".
"Mysyrda júrgende 1267 jyly el bileýshisi Sultan Beibarys salǵan ǵibadat úiin kórip qaittyq. Atalǵan nysannyń jalpy aýdany 10 myń sharshy metrdi quraidy. 2007 jyly Qazaqstan Mysyrmen aradaǵy kelisimniń negizinde meshitti qalpyna keltirý jumystaryna 4,5 mln. dollar bólgen bolatyn. Aqsha bólindi, biraq tiisti jumystar áli aiaqtalǵan joq. Meshittiń qazirgi jaǵdaiyn óz kózimizben kórgennen keiin Ál-Farabi men Sultan Beibarys atyndaǵy qordyń jetekshisi Sapar Ysqaqovtyń alańdaýshylyǵy oryndy dep sanaimyz. Bizdiń úkimetke osy máseleni baqylaýǵa alý qajet. 10 jyldyń ishinde eshteńe istelingen joq. Sondyqtan osyny jiti qadaǵalaýǵa alǵan jón", - dep jazdy N.Jazylbekov óziniń Feisbýk paraqshasynda. Onyń sózine qaraǵanda, Sultan Beibarystyń urpaǵy - Samia Beibarys ta osy máseleniń sheshilýin qalaidy. Búginde ol Arab elderi ligasynda departament basshysy qyzmetin atqaryp júr.
Aita keteiik, 2007 jyly Memleket basshysy Nursultan Nazarbaevtyń Mysyrǵa jasaǵan resmi saparynan keiin Kairdegi Sultan Ál-Zaxyr Beibarystyń meshitin qalpyna keltirý jumystaryn birlesip qarjylandyrý týraly kelisim zańdy túrde bekitilgen edi. Atalǵan qujatqa sáikes, Qazaqstan qaitarymsyz negizde 4,5 mln. dollar bólse, Mysyr jaǵy 20 mln. dollardy óz moinyna alǵan.
.jpeg)