Foto: primeminister.kz
Ulttyq bank tóraǵasy Timýr Súleimenov infliatsiianyń ósýine áser etetin negizgi táýekelderdi jariialady, dep habarlaidy Sputnik Qazaqstan.
Qazaqstanda infliatsiia birtindep turaqtalyp keledi. Sol sebepti Ulttyq bank tamyz jáne qazan ailarynda bazalyq stavkany 16,75%-ten 16%-ke deiin eki ret tómendetti.
“Alaida, infliatsiia baiaýlasa da, ol targetten joǵary deńgeide tur. Sonymen qatar, mynadai jekelegen táýekelderge erekshe nazar aýdarǵan jón. Birinshiden, syrtqy sektordaǵy táýekelder: álemdegi bazalyq infliatsiianyń turaqtylyǵy, jekelegen saýda áriptes elder tarapynan infliatsiialyq qysymnyń artýy, munai baǵasynyń jahandyq infliatsiiaǵa áseri jáne geosaiasi táýekelder”, - dedi Súleimenov senattyń jalpy otyrysynda.
Budan bólek, halyq arasynda infliatsiia bolady degen qaýip bar. Sodan kóbisi aqshany jumsamai, saqtaýǵa tyrysady.
“Ekinshiden, ishki ekonomikany fiskaldyq yntalandyrý, ornyqty ishki suranys jáne joǵary infliatsiialyq kútýler tarapynan baǵalarǵa qysym saqtalyp otyr. Sonymen birge kommýnaldyq qyzmetter men janar-jaǵarmai baǵasynyń ósýinen infliatsiianyń artý táýekeli bar”, - dep atap kórsetti bank basshysy.
