Sot zalynan bosatylǵannan keiin Elmira Sýhanberdieva aldaǵy ýaqytta qandai qyzmetpen ainalysatynyn aitty, dep habarlaidy "Ult aqparat".
Tilshiler qaýymy E. Sýhanberdievadan qandai salada jumys isteýge nietti ekenin surady.
«Kásipkerlikpen ainalysýǵa múmkindik bar, sondai-aq ustazdyq etýge bolady», - dedi ol.
Sonymen qatar, ol sot úkimine shaǵym túsirý úshin Joǵarǵy sotqa júginýge nietti ekenin atap ótti.
Aita keteiik, búgin elordada QR Bilim jáne ǵylym vitse-ministri bolǵan Elmira Sýhanberdievaǵa qatysty sot úkimi shyqty.
Oǵan 2500 AEK kóleminde aiyppul taǵaiyndaý sheshimi shyǵaryldy. Jalpy, ol 5 948 900 teńgeni tóleýge mindetteldi. Sonymen qatar, ómir boiyna memlekettik qyzmette, sotta, Ulttyq bankte, jergilikti ózin-ózi basqarý organdarynda jáne memleket úlesi 50% asatyn ózge de memlekettik uiymdarda - ulttyq holdingter, ulttyq damý institýttarynda jumys isteý quqyǵynan aiyryldy.
Budan buryn habarlanǵandai, Elmira Sýhanberdieva sybailas jemqorlyq kúdigimen ustaldy jáne 2 aiǵa qamaýǵa alyndy.
9 shilde kúni sot otyrysy ótip, ol óz kinásin moiyndady.
