سوت زالىنان بوساتىلعاننان كەيٸن ەلميرا سۋحانبەرديەۆا الداعى ۋاقىتتا قانداي قىزمەتپەن اينالىساتىنىن ايتتى, دەپ حابارلايدى "ۇلت اقپارات".
تٸلشٸلەر قاۋىمى ە. سۋحانبەرديەۆادان قانداي سالادا جۇمىس ٸستەۋگە نيەتتٸ ەكەنٸن سۇرادى.
«كەسٸپكەرلٸكپەن اينالىسۋعا مٷمكٸندٸك بار, سونداي-اق ۇستازدىق ەتۋگە بولادى», - دەدٸ ول.
سونىمەن قاتار, ول سوت ٷكٸمٸنە شاعىم تٷسٸرۋ ٷشٸن جوعارعى سوتقا جٷگٸنۋگە نيەتتٸ ەكەنٸن اتاپ ٶتتٸ.
ايتا كەتەيٸك, بٷگٸن ەلوردادا قر بٸلٸم جەنە عىلىم ۆيتسە-مينيسترٸ بولعان ەلميرا سۋحانبەرديەۆاعا قاتىستى سوت ٷكٸمٸ شىقتى.
وعان 2500 اەك كٶلەمٸندە ايىپپۇل تاعايىنداۋ شەشٸمٸ شىعارىلدى. جالپى, ول 5 948 900 تەڭگەنٸ تٶلەۋگە مٸندەتتەلدٸ. سونىمەن قاتار, ٶمٸر بويىنا مەملەكەتتٸك قىزمەتتە, سوتتا, ۇلتتىق بانكتە, جەرگٸلٸكتٸ ٶزٸن-ٶزٸ باسقارۋ ورگاندارىندا جەنە مەملەكەت ٷلەسٸ 50% اساتىن ٶزگە دە مەملەكەتتٸك ۇيىمداردا - ۇلتتىق حولدينگتەر, ۇلتتىق دامۋ ينستيتۋتتارىندا جۇمىس ٸستەۋ قۇقىعىنان ايىرىلدى.
بۇدان بۇرىن حابارلانعانداي, ەلميرا سۋحانبەرديەۆا سىبايلاس جەمقورلىق كٷدٸگٸمەن ۇستالدى جەنە 2 ايعا قاماۋعا الىندى.
9 شٸلدە كٷنٸ سوت وتىرىسى ٶتٸپ, ول ٶز كٸنەسٸن مويىندادى.
