Dúisenbi kúni qairańnan shyǵarylǵan Sýets kanalyndaǵy Ever Given konteiner tasymaldaýshy keme qatty jeldiń saldarynan jartylai burylyp, qaitadan sý jolynda kóldeneńdep turyp qaldy. Bul týraly Reuters agenttigi kýáger men kanal ákimshiligindegi derekkózge silteme jasap habarlady.
Onyń aitýynsha, bul rette pozitsiianyń ózgerýine qaramastan, keme qaitadan qairańǵa shyqpaǵan. Basqa málimetter ázirge berilgen joq.
Al Arabiya telearnasy habarlaǵandai, keme kanalda qaitadan kóldeneńinen turyp qaldy, sebebi arnanyń aǵysy sýdyń kóterilý áserinen baǵytyn ózgertti. Ony farvaterge keri súirep aparý áreketteri aǵys baǵytyn ózgertkeshe ýaqytsha toqtatyldy.
