Sýdialardyń abyroi-bedeli minsiz, al kandidattardy irikteý protsesi ashyq ári jariia bolýy tiis. Bul týraly QR sýdialarynyń VIII sezinde Memleket basshysy Qasym-Jomart Toqaev aitty, dep habarlaidy "Ult aqparat".
«Kásibi sot korpýsy - bul barlyq sot reformalarynyń sheshýshi faktory. Sońǵy jyldary sýdiaǵa kandidattarǵa talaptar arttyryldy, irikteýdiń zamanaýi quraldary engizildi. Myqty zańgerler, kórnekti ǵalymdar men quqyqtanýshylar sýdialyq jumysta tájiribesi bolmasa da sýdia bola alady. Menińshe, bul jerde Joǵarǵy sot tóraǵasy Jaqyp Asanov úlken ról atqardy», - dedi Prezident.
Memleket basshysynyń paiymynsha, sotqa ekonomika men quqyqtyń kúrdeli máselelerin erkin sheshe alatyn mamandardy tartý qajet.
«Bul - ýaqyt talaby. Ony men Joldaýymda da aittym. Sýdialardyń abyroi-bedeli minsiz, al kandidattardy irikteý protsesi ashyq ári jariia bolýy tiis. Damyǵan elderdiń kópshiliginde sýdialarǵa qoiylatyn talaptardyń joǵary bolǵany sonshalyq, ótken ómirindegi bolmashy jat qylyǵy laýazymǵa ornalasýynan bas tartýǵa sebep te bolýy múmkin. Mundai tájiribe Qazaqstanda da qoldanylýy tiis dep esepteimin. Sýdia kadrlardyń sapasyna jaýap beretin Joǵarǵy sot keńesine sýdialardy irikteý jáne daiyndaý mindetin oryndaý júktelgen. Bul sapaly oryndalýy tiisti túbegeili mańyzdy jumys», - dedi Qasym-Jomart Toqaev.
