Nur-Sultan jáne Almaty qalalaryndaǵy aýdandyq sottardyń sýdiasy laýazymyna úmitkerler kóp boldy. Bul týraly búgin onlain rejimdegi baspasóz máslihatynda QR Joǵary Sot Keńesiniń múshesi Nurjan Joldasbekov málim etti, dep habarlaidy QazAqparat.
«Bir aita keterligi, sot júiesindegi básekelestik deńgeii sottyń deńgeiine tikelei bailanysty. Máselen, Nur-Sultan jáne Almaty qalalaryndaǵy aýdandyq sottardyń sýdiasy laýazymyna eń kóp úmitker qujat tapsyrǵan. Aitalyq, Nur-Sultan qalasynyń Esil aýdandyq sotynyń sýdiasy laýazymyna jariialanǵan konkýrsqa bir orynǵa 90 adam qatysty. Elordanyń Saryarqa aýdandyq soty men Almatydaǵy Bostandyq aýdandyq sotyndaǵy bos laýazymǵa 87 adam qujat tapsyrdy. Al, shalǵaidaǵy aýdandyq sottardyń sýdiasy laýazymdaryna ótinish tapsyrǵandar sany birneshe esege az», - dedi ol.
Belgili bolǵandai, Mańǵystaý oblysyndaǵy aýdandyq sottardaǵy bir orynǵa ortasha eseppen 14 adam qujat tapsyrdy: Beineý aýdandyq sotyndaǵy 1 orynǵa 15 adam ótinish berse, Jańaózen qalalyq sotyndaǵy bir bos orynǵa 13 úmitker qujat tapsyrǵan. Sonymen qatar, az quramdaǵy jáne shalǵaidaǵy birneshe sottarda bos turǵan 17 sýdia laýazymyna birde bir úmitker niet tanytqan joq.
Budan buryn habarlanǵandai, Joǵary Sot Keńesi birqatar sýdia laýazymdaryna konkýrstyq irikteýdi aiaqtady.
Esterińizge sala keteiik, 2018 jyldan beri sýdia laýazymyna úmitkerlerdi irikteý júiesi birtindep jetildirilip keledi. Qazirgi kezde bul birneshe kezeńnen turatyn, kópsatyly rásim.
Konkýrs Joǵary Sot Keńesi janyndaǵy konkýrstyq irikteý Komissiiasymen ótkiziledi.
