Búgin Úkimet otyrysynda Premer-Ministr Asqar Mamin ózen sýlaryn únemdi paidalanýǵa qatysty birqatar tapsyrma berdi, dep habarlaidy "Ult aqparat".
«Ákimder gidrotehnikalyq qurylystardy rekonstrýktsiialaý jumystaryn qamtamasyz etýi tiis. Magistraldyq arnalarǵa qazirgi zamanǵy sý únemdeý tehnologiialaryn engizýdi jáne sýdy esepke alýdy tsifrlandyrýdy qamtamasyz etý qajet.
Túrkistan oblysynda iske asyrylǵan magistraldyq arnany tsifrlandyrý boiynsha qanatqaqty jobany sý sharýashylyǵynyń barlyq negizgi nysandaryna taratý kerek», - dedi Úkimet basshysy.
Onyń aitýynsha, sýmen qamtamasyz etilýdiń tómendep bara jatqanyn eskerip, sý alýdyń qoldanystaǵy limiti aiasynda sý resýrstaryn utymdy paidalanýdy qamtamasyz etý kerek.
«Sonymen qatar, Qyzylorda, Almaty jáne Túrkistan oblystarynda ylǵaldy kóp qajet etetin daqyl – kúrish, jospardan artyq egilgen. Buǵan jumsalǵan eleýli sý kólemin ekonomikalyq turǵydan tiimdirek daqyldardy – kókónister, jemis-jidekter, raps, soia ósirýge jumsaýǵa bolar edi. Sondyqtan ákimdikter bekitilgen egis josparyn qatań ustanýy tiis», - dedi Premer-Ministr.
Osyǵan orai A. Mamin birqatar tapsyrmalardy júktedi.
«Aýyl sharýashylyǵy, Ekologiia, Saýda ministrlikteri ishki qajettilikter men egis alańynyń qurylymyn ártaraptandyrý boiynsha mindetterdi eskere otyryp, ylǵaldy kóp qajet etetin daqyldar egisin aýystyrý máselesin ákimdermen pysyqtasyn. Bul agroónerkásiptik keshendi damytýdyń jańa baǵdarlamasyna engizilýi kerek», - dedi ol.
Úkimet basshysynyń sózine qaraǵanda, Dúniejúzilik banktiń boljamyna sáikes aldaǵy 20-30 jylda Ortalyq Aziia elderinde sý tapshylyǵy ósedi. Sondyqtan sý resýrstaryn barlyq memleketterdiń múddelerin eskerip, tiimdi paidalaný máselesiniń mańyzy artyp otyr.
«Osyǵan orai Ekologiia ministrligine múddeli memlekettik organdarmen birlesip, kórshi memleketterdiń salalyq vedomstvolarymen shekaraaralyq ózenderdi ózara tiimdi paidalanýdy qamtamasyz etý boiynsha jumysty kúsheitýdi tapsyramyn», - dedi Premer-Ministr.
«Ekologiia jáne Aýyl sharýashylyǵy ministrlikteri ákimdiktermen birge sý sharýashylyǵy nysandaryn salý jáne rekonstrýktsiialaý, sonymen qatar sý únemdeý tehnologiialary men sýdy esepke alýdyń tsifrlyq júielerin engizý boiynsha jobalardy iske asyrý boiynsha jumysty jalǵastyrsyn», - dedi Asqar Mamin.
