Ońtústik Qazaqstan oblysynyń Saryaǵash aýdanyndaǵy egis alqaptary túgeldei qýrap ketýdiń aldynda tur. Osylai dep shyryldaǵan sharýalar eńbegimiz esh keteme dep ýaiymdaýda. Óitkeni, Júzimdik aýylyndaǵy jalǵyz Ashysai kanaly áli kúnge tazartylmaǵan, dep habarlady TVK arnasy.
Alaida, aýyl jáne aýdan basshylyǵy másele asa kúrdeli emes deidi. Aitýlarynsha, aryqty tazartýǵa qazir oblys atqaminerleri aralasyp, iri kólemde qarjy bólipti. Biraq, Saryaǵashqa sýdyń naqty qashan keletinin olarda bilmeitin bolyp shyqty.
4 myńnan astam halqy bar Júzimdik aýylynyń negizgi tabys kózi – eginshilik. Endi aǵyn sý der kezinde jetkizilmese, sharýalar jyl saiynǵy nápaqasynan da qaǵylýy múmkin. Máselen, Ótegen Turǵynov egin egýdi erte kóktemde bastapty. Dala jumystaryna óz qarjysy jetpegendikten, nesie alyp qyzylsha men kartop otyrǵyzǵan. Biraq, myna qurǵaqshylyqtan qaryzǵa belshesinen batyp, amaly quryp otyr. Bala-shaǵasymen páter jaldap turatyn ol memleketten alǵan aqshasyn qalai qaitararyn bilmei dal bolýda.
"Sý kelmese ne isteimin, jurt sekildi asylyp óle salamyz ba, soǵan kelip tirelip tur ǵoi. Memleketke qaryz bolyp qaldym. Soǵan kele jatyr. Qoldan keletini sol", — deidi Júzimdik aýylynyń turǵyny Ótegen Turǵynov.
500 gektar jerge sý jetkizýi tiis aryq tirshilik nárin asyǵa kútken diqandardy bos úmittendirip, shańy burqyrap paidasyz jatyr. Aryqtyń adam shoshyrlyq jaǵdaiynan aýyl ákimi de habardar. Biraq, Orazaly Smailov qolynan eshteńe kelmeitinin ashyp aitty. Óitkeni, kanaldy tazartýǵa qarjy oblystan qaralǵan. Degenmen, aýyl ákimi aqsha bólingenmen aryq máselesin túbegeili sheshý múmkin emes-deidi.
"Bul bir jyldyq nárse, biyl qazsaq, keler jyly taǵy tolyp qalady. Sóitip, memleketten bólingen aqsha talan-taraj bolady", — dep túsindirdi Júzimdik aýyl okrýginiń ákimi Orazaly Smailov.
Bólingen aqshanyń aýaǵa ushyp jatqanyn aýyl turǵyndary jaqsy biledi. Aitýlarynsha, problema jyl saiyn qaitalanady. Biraq, bilik basyndaǵylar buǵan bas qatyrmaidy deidi.
"Al, myna aryqty 100 million bólip qazady. Endigi jyly taǵy osyndai bolady. Biz 100 million teńgeni jerge kómip tastap jatyrmyz. Sonyń ornyna 3 traktor satyp alsa, ózimiz qazyp, tazartyp otyratyn edik", — dep ashyndy aýyl turǵyny Bosymbai Asylbaev.
Júzimdik jurty shyryldap, kimnen kómek suraryn bilmei jatqanda, aýdan basshylyǵy oblystan 107 million teńge bólingenin aityp maqtandy. Tek tazalaý jumystary qashan bastalatynynan beihabar. Aqshany igerýge baiqaý jariialanǵanymen jeńimpaz anyqtalmaǵan. Sondyqtan aýyl sharýashylyǵynyń damýyna jaýapty atqaminerler dihandar daý kótermei, sabyrlyq tanytsyn dep otyr.
"Bizdiń qatysymyz joq. Konkýrs oblysta ótedi. Mamyr aiyna deiin sý jetetin shyǵar. Ol kezde kesh bolady. Biraq, jeńimpaz osy aptada anyqtalyp qalatyn shyǵar", — deidi Saryaǵash aýdany aýylsharýashylyǵy bólimi basshysynyń orynbasary Ergesh Ábishev.
Osylaisha, aýyl ákimi aýdanǵa, aýdan oblysqa siltep másele ashyq kúiinde qaldy. Sondyqtan, Júzimdik aýyl okrýgindegi sharýalardyń jaiy ne bolary belgisiz.
