وڭتٷستٸك قازاقستان وبلىسىنىڭ سارىاعاش اۋدانىنداعى ەگٸس القاپتارى تٷگەلدەي قۋراپ كەتۋدٸڭ الدىندا تۇر. وسىلاي دەپ شىرىلداعان شارۋالار ەڭبەگٸمٸز ەش كەتەمە دەپ ۋايىمداۋدا. ٶيتكەنٸ, جٷزٸمدٸك اۋىلىنداعى جالعىز اششىساي كانالى ەلٸ كٷنگە تازارتىلماعان, دەپ حابارلادى TVK ارناسى.
الايدا, اۋىل جەنە اۋدان باسشىلىعى مەسەلە اسا كٷردەلٸ ەمەس دەيدٸ. ايتۋلارىنشا, ارىقتى تازارتۋعا قازٸر وبلىس اتقامٸنەرلەرٸ ارالاسىپ, ٸرٸ كٶلەمدە قارجى بٶلٸپتٸ. بٸراق, سارىاعاشقا سۋدىڭ ناقتى قاشان كەلەتٸنٸن ولاردا بٸلمەيتٸن بولىپ شىقتى.
4 مىڭنان استام حالقى بار جٷزٸمدٸك اۋىلىنىڭ نەگٸزگٸ تابىس كٶزٸ – ەگٸنشٸلٸك. ەندٸ اعىن سۋ دەر كەزٸندە جەتكٸزٸلمەسە, شارۋالار جىل سايىنعى نەپاقاسىنان دا قاعىلۋى مٷمكٸن. مەسەلەن, ٶتەگەن تۇرعىنوۆ ەگٸن ەگۋدٸ ەرتە كٶكتەمدە باستاپتى. دالا جۇمىستارىنا ٶز قارجىسى جەتپەگەندٸكتەن, نەسيە الىپ قىزىلشا مەن كارتوپ وتىرعىزعان. بٸراق, مىنا قۇرعاقشىلىقتان قارىزعا بەلشەسٸنەن باتىپ, امالى قۇرىپ وتىر. بالا-شاعاسىمەن پەتەر جالداپ تۇراتىن ول مەملەكەتتەن العان اقشاسىن قالاي قايتارارىن بٸلمەي دال بولۋدا.
"سۋ كەلمەسە نە ٸستەيمٸن, جۇرت سەكٸلدٸ اسىلىپ ٶلە سالامىز با, سوعان كەلٸپ تٸرەلٸپ تۇر عوي. مەملەكەتكە قارىز بولىپ قالدىم. سوعان كەلە جاتىر. قولدان كەلەتٸنٸ سول", — دەيدٸ جٷزٸمدٸك اۋىلىنىڭ تۇرعىنى ٶتەگەن تۇرعىنوۆ.
500 گەكتار جەرگە سۋ جەتكٸزۋٸ تيٸس ارىق تٸرشٸلٸك نەرٸن اسىعا كٷتكەن ديقانداردى بوس ٷمٸتتەندٸرٸپ, شاڭى بۇرقىراپ پايداسىز جاتىر. ارىقتىڭ ادام شوشىرلىق جاعدايىنان اۋىل ەكٸمٸ دە حاباردار. بٸراق, ورازالى سمايلوۆ قولىنان ەشتەڭە كەلمەيتٸنٸن اشىپ ايتتى. ٶيتكەنٸ, كانالدى تازارتۋعا قارجى وبلىستان قارالعان. دەگەنمەن, اۋىل ەكٸمٸ اقشا بٶلٸنگەنمەن ارىق مەسەلەسٸن تٷبەگەيلٸ شەشۋ مٷمكٸن ەمەس-دەيدٸ.
"بۇل بٸر جىلدىق نەرسە, بيىل قازساق, كەلەر جىلى تاعى تولىپ قالادى. سٶيتٸپ, مەملەكەتتەن بٶلٸنگەن اقشا تالان-تاراج بولادى", — دەپ تٷسٸندٸردٸ جٷزٸمدٸك اۋىل وكرۋگٸنٸڭ ەكٸمٸ ورازالى سمايلوۆ.
بٶلٸنگەن اقشانىڭ اۋاعا ۇشىپ جاتقانىن اۋىل تۇرعىندارى جاقسى بٸلەدٸ. ايتۋلارىنشا, پروبلەما جىل سايىن قايتالانادى. بٸراق, بيلٸك باسىنداعىلار بۇعان باس قاتىرمايدى دەيدٸ.
"ال, مىنا ارىقتى 100 ميلليون بٶلٸپ قازادى. ەندٸگٸ جىلى تاعى وسىنداي بولادى. بٸز 100 ميلليون تەڭگەنٸ جەرگە كٶمٸپ تاستاپ جاتىرمىز. سونىڭ ورنىنا 3 تراكتور ساتىپ السا, ٶزٸمٸز قازىپ, تازارتىپ وتىراتىن ەدٸك", — دەپ اشىندى اۋىل تۇرعىنى بوسىمباي اسىلباەۆ.
جٷزٸمدٸك جۇرتى شىرىلداپ, كٸمنەن كٶمەك سۇرارىن بٸلمەي جاتقاندا, اۋدان باسشىلىعى وبلىستان 107 ميلليون تەڭگە بٶلٸنگەنٸن ايتىپ ماقتاندى. تەك تازالاۋ جۇمىستارى قاشان باستالاتىنىنان بەيحابار. اقشانى يگەرۋگە بايقاۋ جارييالانعانىمەن جەڭٸمپاز انىقتالماعان. سوندىقتان اۋىل شارۋاشىلىعىنىڭ دامۋىنا جاۋاپتى اتقامٸنەرلەر ديحاندار داۋ كٶتەرمەي, سابىرلىق تانىتسىن دەپ وتىر.
"بٸزدٸڭ قاتىسىمىز جوق. كونكۋرس وبلىستا ٶتەدٸ. مامىر ايىنا دەيٸن سۋ جەتەتٸن شىعار. ول كەزدە كەش بولادى. بٸراق, جەڭٸمپاز وسى اپتادا انىقتالىپ قالاتىن شىعار", — دەيدٸ سارىاعاش اۋدانى اۋىلشارۋاشىلىعى بٶلٸمٸ باسشىسىنىڭ ورىنباسارى ەرگەش ەبٸشەۆ.
وسىلايشا, اۋىل ەكٸمٸ اۋدانعا, اۋدان وبلىسقا سٸلتەپ مەسەلە اشىق كٷيٸندە قالدى. سوندىقتان, جٷزٸمدٸك اۋىل وكرۋگٸندەگٸ شارۋالاردىڭ جايى نە بولارى بەلگٸسٸز.
