Qazaqstannyń agroónerkásiptik keshendi damytýǵa arnalǵan memlekettik baǵdarlamasy aiasynda sýbsidiia alýshylar sany 7 esege deiin kóbeiedi. Bul týraly Úkimet otyrysynda QR Aýyl sharýashylyǵy ministri Asqar Myrzaxmetov aitty, dep habarlaidy "Ult aqparat" Baq.kz portalyna silteme jasap.
«Baǵdarlama barysynda sýbsidiia alýshylar sany 7 esege deiin kóbeiip, «QazAgro» arqyly jeńildikpen alatyndar sany artyp, nesie alatyn orta jáne shaǵyn kásipkerlikti qoldaý 1,4 esege ulǵaiady. 1 teńge boiynsha sýbsidiialaý 2 esege deiin, iaǵni 7,5 teńgeden 13 teńgege deiin kóbeiedi. Bul jalpy ónim óndirý úlesi 50%-ǵa artady degen sóz. Jeńildikpen nesie berýdegi negizgi maqsat – óńdeýshi kásiporyndardyń úlesin kóbeitý. Al investitsiialyq sýbsidiia arqyly qymbat emes aýyl sharýashylyǵy tehnikalaryn satyp alý qarqynyn 1,5-2 esege deiin ulǵaitý kózdelip otyr», deidi Asqar Myrzaxmetov.
Ministr, sondai-aq, jańa baǵdarlama aiasynda egis alqaptaryn ártaraptandyrý jalǵastyrylatynyn aitty.
«Bidai alqaptary 2,3 mln. gektarǵa (2016 jyly 12,4 mln ga-dan 2021 jyly 10,1 mln. gektarǵa ) qysqartylady. Bosaǵan alqaptarǵa eksportqa suranysy joǵary arpa, suly, júgeri jáne maily daqyldar egiledi. Bizdiń tarapymyzdan egis alqaptary óńirler men daqyldar boiynsha esepteldi. AÓK-ti damytý úshin, jańa baǵdarlamada kórsetilgen tapsyrmalardy sátti oryndaý úshin ǵylym jáne bilim salalaryn damytýdyń yqpalyn ózgertý máselesi de qarastyrylyp jatyr. Ǵylymdy biriktirý men bilimdi damytý salalaryna basa nazar aýdarylýda. Aýyl sharýashylyǵy óndirisiniń suranysyna jaýap beretin zertteýlermen ainalysý qajet. Sondyqtan, ǵylym taýar óndirýshilerdiń naqty suranysyna bailanysty qarjylandyrylady», - deidi ol.
.jpeg)