Titaniktiń sýǵa batqanyna 100 jyl ótse de, oǵan qyzyǵýshylar jeterlik. Siz óz kózińizben sý túbindegi tot basqan áigili kemeni kóre alasyz, alaida mundai "baqyt" 250 myń eýro turady, - dep habarlaidy Tengritravel.kz portaly Euronews basylymyna silteme jasap.
Amerikalyq OceanGate komapniiasy sýǵa batqan "Titanikke" jylsaiynǵy ekspeditsiia jasaýǵa daiyndalyp jatyr. Onyń kelesi sapary 2023 jyly mamyrǵa josparlanǵan.
Osy únge deiin sý túbindegi kemeni kórgender 250 adamǵa jetpeidi.
"Bul "missiia mamandaryna" (kompaniia ekipaj múshelerin osylai ataidy) joǵarǵy deńgeidegi jaýapkershilikti qoiýǵa mindetteidi, alaida sonymen birge baǵa jetpes artyqshylyqtar beredi. Eger siz sý túbine komandamen birge túsýge daiyn bolsańyz, onda sizdiń jasyńyz 18-den asqan, kishigirim teńiz kólikterin basqara alýyńyz kerek, aiaqtaryńyz myqty bolýy kerek, tekpeshekpen shyǵýdy jáne aýyr zattardy tasýǵa daiyn bolýyńyz kerek. Árine, sonymen qatar shyǵyndardy óteý úshin, onyń ishinde ekspeditsiia kezindegi qoldaý jáne jattyǵý aqysyn óteýge 250 myń eýrońyz (118 million teńge) bolýy qajet", - dep jazady basylym.
Eger siz komandaǵa ótseńiz, siz "Titan" sý asty kemesimen segiz kúndik saparǵa attanasyz.
"Keme siz oilaǵandai apatqa ushyraǵan kemeniń atymen emes, Satýrnnyń seriginiń atymen atalǵan. Ekipaj músheleri apat bolǵan jerdi egjei-tegjeili qujattaýǵa, 4K beine men 3D lazerlik skanerleý jáne ýltradybystyq lokator arqyly teńiz biologiiasy men arheologiiasyn zertteýge kómektesedi", - deidi sapardy uiymdastyrýshylar.
