© Sputnik / Vitalii Ankov /
Sý tasqynynan keiin 5,8 myńnan astam otbasy memlekettik qoldaý aldy, dep habarlaidy "Ult aqparat" úkimettiń baspasóz qyzmetine silteme jasap.
Búginde arnaiy qurylǵan óńirlik komissiialarǵa Aqmola, Aqtóbe, Atyraý, Batys Qazaqstan, Qaraǵandy, Qostanai, Pavlodar, Soltústik Qazaqstan, Abai jáne Ulytaý oblystarynyń turǵyndarynan 13 577 ótinish kelip túsken.
"5 803 otbasy 100 AEK nemese 369 200 teńge kóleminde jalpy somasy 2 mlrd teńgeden astam birjolǵy tólem aldy. 877 otbasyǵa keltirilgen materialdyq shyǵyn úshin jalpy somasy 380 mln teńge ótemaqy tólendi. Mal shyǵyny úshin berilgen ótemaqynyń jalpy somasy 38,9 mln teńgege jetti", - delingen habarlamada.
18 sáýirdegi jaǵdai boiynsha zardap shekken óńirlerde 2602 turǵyn úi tekserilip, olardyń 1499-yna baǵalaý júrgizildi. Nátijesinde 794 úi jóndeýge keletini, 701 baspananyń qalpyna keltirýge jaramsyz ekeni anyqtaldy.
Qazirgi ýaqytta 197 otbasyǵa baspanalaryn jóndeý úshin jalpy somasy 218,6 mln teńge ótemaqy tólendi. 33 otbasyǵa qiraǵan úidiń ornyna jańa baspana jáne páterler berildi.
Pavlodar, Qaraǵandy jáne Aqtóbe oblystarynda turǵyn úilerdiń qurylysy bastaldy.
