Foto: Orda.kz
Sý tasqyny kezindegi shyǵyndy barynsha azaitý boiynsha qabyldanǵan sharalardyń nátijesinde Aýyl sharýashylyǵy ministrliginiń oblys ákimdikterimen birlesken áreketimen 88 myńnan astam aýyl sharýashylyǵy janýarlary qaýipsiz aýmaqqa aidalyp shyǵaryldy, dep habarlaidy "Ult aqparat" Aýyl sharýashylyǵy ministrligine silteme jasap.
Jedel derekter boiynsha ólgen mal sany 8,1 myń bas, onyń ishinde usaq mal – 6 myń, iri qara – 1,5 myń, jylqy – 514 bas. Respýblikalyq epizootiiaǵa qarsy otriad turaqty epizootiialyq jaǵdaidy saqtaý maqsatynda janýarlardyń ólekselerin joiý jumystaryn qarqyndy jalǵastyrýda.
"Búgingi tańda 4,1 myń bas ólgen maldar joiyldy. Premer-Ministrdiń tapsyrmasy boiynsha bul jumys kúsheitilgen rejimde jalǵasatyn bolady. Sý tasqynyna qarsy is-sharalardy úilestirý jáne sý tasqyny kezeńiniń zardaptaryn joiý jónindegi respýblikalyq shtabpen ólgen mal ielerine ótemaqy tóleý algoritmi ázirlenip, bekitildi. Menshik ieleri men zalaldy anyqtaý jáne basqa da máselelerdi sheshý úshin óńirlerde jergilikti atqarýshy organdarmen shyǵyndy anyqtaý jónindegi komissiialar quryldy. Sý tasqyny saldarynan ólgen aýyl sharýashylyǵy janýarlarynyń ieleri maldary týraly málimetterdi kórsete otyryp, jergilikti komissiiaǵa ótinish berýi kerek", delingen aqparatta.
Aýyl sharýashylyǵy janýarlaryna menshik quqyǵy komissiialardyń aktilerimen rastalady.
Menshik ielerine ótemaqy mólsheri Ulttyq statistika biýrosy jariialaǵan janýarlardyń túrleri, jynysy men jas shamasy boiynsha naryqtyq quny týraly málimetter negizinde aiqyndalatyn bolady.
Jalpy, sý tasqynynan zardap shekken aimaqtardaǵy epizootiialyq jaǵdai, sondai-aq aýyl sharýashylyǵy janýarlarynyń ielerine keltirilgen shyǵyndy óteý máseleleri Qazaqstan Respýblikasy Aýyl sharýashylyǵy ministrliginiń turaqty baqylaýynda.
