Foto: Ashyq derekkóz
Qanat Bozymbaev sý tasqyny kezinde dúrbeleń týdyratyn jalǵan aqparat taratqandar qylmystyq jaýapkershilikke tartylatynyn eske saldy, dep habarlaidy «Ult aqparat» Úkimettiń baspasóz qyzmetine silteme jasap.
Áleýmettik jelilerde kóptegen jalǵan aqparattar taratylyp, tabiǵi apatpen kúresip jatqan adamdardyń jumysyn qiyndatyp jatyr. Vitse-premer, Sý tasqynyna qarsy is-sharalardy úilestirý jáne sý tasqynynyń saldaryn joiý jónindegi respýblikalyq shtab meńgerýshisiniń orynbasary Qanat Bozymbaev atap ótkendei, mundai jalǵan aqparattar qoǵamda, ásirese zardap shekken óńirlerde jii dúrbeleń týdyrady.
"Osyndai jalǵan habarlamalardyń nemese tótenshe jaǵdaimen kúres jónindegi shtabtardyń jalǵan akkaýnttarynyń barlyq avtorlaryna bul aqparatty jariialaýdaǵy jaýapkershilik týraly eskertkim keledi. "Onlain platformalar jáne onlain jarnama týraly" zań bar, oǵan sáikes paidalanýshylar ornalastyrylǵan jáne taratylatyn mazmunnyń durystyǵyn tekserýge, jalǵan aqparatty taratpaýǵa, sondai-aq mundai aqparatty jáne kez kelgen zańsyz mazmundy joiýǵa mindetti. Tiisti qurylymdar mundai jalǵan aqparatqa taldaý júrgizedi, qajetsiz dúrbeleń týdyryp, otandastaryn aldaǵan kez kelgen azamat, óz áreketteri úshin naqty aqy tóleitin bolady", — dep atap ótti Qanat Bozymbaev.
Mundai faktiler úshin qoldanystaǵy zańnamada qylmystyq jáne ákimshilik jaýapkershilik qarastyrylǵan.
