Qazaqstanda úiinen aiyrylǵandarǵa baspana salýy úshin 22 million teńgeden berilmek. Bul týraly Ónerkásip jáne qurylys ministrliginiń basshysy Qanat Sharlapaev úkimet brifinginde aitty.
Onyń aitýynsha, qazir ákimdikter aqparat jinap, zardap shekken úilerdiń esebin júrgizip jatyr.
"Biz jergilikti biýdjetten, keiin respýblikalyq biýdjetten qarajat bóletin bolamyz. Qazir bir úidiń quny dep 22 mln teńge qarastyramyz.
Bul 80 sharshy metr bolatyn bir úidiń nemese eki bólmeli páterdiń quny. 1 sharshy metr úshin 281 myń teńge. Bolashaqta biz biýdjetten osy qunǵa súiene otyryp bólemiz. Ázirge bizde úilerdiń naqty sany joq", – dedi ministr.
