Sý tasqynynyń aldyn alý úshin respýblikalyq mańyzy bar tasjoldarda táýlik boiy patrýldeý júrgizilip jatyr, dep habarlaidy «Ult Aqparat» «QazAvtoJolǵa» silteme jasap.
Keshe jaýyn-shashyn men qar sýyna bailanysty Almaty men Jambyl oblystaryndaǵy respýblikalyq tasjoldarda tasyǵan sý deńgeiiniń kóterilgeni baiqalǵan. Qazirgi tańda sý deńgeii tómendegen. Bul jaǵdai avtokólikterdiń qozǵalysyna kedergi keltirmegen, dep atap ótti atalǵan uiymnyń baspasóz qyzmeti.
Almaty oblysynda 24 aqpannan bastap tasjol arqyly sýdyń tasyǵany 5 ret jáne respýblikalyq tasjoldarda, atap aitqanda Eńbekshiqazaq, Talǵar, Qarasai jáne Jambyl aýdandarynda erigen qar sýynyń avtojol boiynda jinalýy 6 ret tirkelgen.
Jol jóndeýshilerdiń kómegimen bul máseleler óz sheshimin tapqan.
Jambyl oblysynda Turar Rysqulov aýdanynda Almaty-Tashkent-Termez tasjolynda, Aqyrtóbe eldi mekenine jaqyn jerde joldyń boiynda tasyǵan sýdyń jinalýy baiqalǵan. «Qazaqavtojol» JShS-nyń Jambyl oblysyndaǵy bólimshesi shuǵyl túrde sý tasqynyna qarsy jumystardy júrgizgen.
Sý tasqyny baiqalǵan tasjoldardyń ýchaskelerinde eshqandai buzýshylyq tirkelmegen, jol qyzmetkerleri táýlik boiy kezekshilikte.
