Kollaj: Kazinform, pexels
Elimizde sý tasqynynyń beti qaityp, turǵyndardyń shyǵyny ótelip jatyr. Osy rette, zalaldy óteý jáne derekterdi salystyrý jónindegi komissiialardyń jumysy sheńberinde sý tasqyny saldarynan 8,2 myń bas aýyl sharýashylyǵy janýarlarynyń ólgeni rastalyp otyr, dephabarlaidy «Ult aqparat» Kazinform-ǵa silteme jasa.
Onyń 70 paiyzǵa jýyǵy usaq mal. Aýyl sharýashylyǵy ministrliginiń respýblikalyq epizootiiaǵa qarsy jasaǵy oblys ákimdikterimen birlesip, ólgen janýarlardy jinaý jáne joiý jumystaryn jalǵastyryp jatyr. Bul týraly Ortalyq kommýnikatsiialar alańynda ótken brifingte QR Aýyl sharýashylyǵy ministrliginiń resmi ókili Oljas Tilebaldin málimdedi.
Onyń aitýynsha, ólgen janýarlardy ýtilizatsiialaý jumystary veterinariialyq qyzmetterdiń erekshe baqylaýynda. Osy oraida, shyǵý tegi kúmándi etti satý týraly taratylyp jatqan aqparat shyndyqqa janaspaitynyn jetkizdi.
Sonymen qatar sý basqan aimaqtarda turaqty epizootiialyq jaǵdaidy saqtaý maqsatynda Veterinariialyq baqylaý jáne qadaǵalaý komiteti sý basqan aýmaqtardaǵy mal qorymdaryna qosymsha profilaktikalyq dezinfektsiialyq óńdeý is-sharalaryn júrgizilip jatyr.
Respýblikalyq shtabtyń hattamasymen ólgen janýarlardyń qunyn óteý algoritmi bekitilgen. Ótemaqy alý úshin ótinish berýshiler zalaldy aktileý maqsatynda jergilikti komissiiaǵa júginýi qajet. Esterińizge sala keteiik, aýyl sharýashylyǵy maldary boiynsha ótemaqy mólsheri Ulttyq statistika biýrosy jariialaityn olardyń túrleri men jas toptary boiynsha naryqtyq quny týraly derekter negizinde anyqtalady.
«Óńirlerde ólgen janýarlardyń ielerine ótemaqy tóleý júrgizilýde. Búginde Qostanai oblysynda aýyl sharýashylyǵy janýarlarynyń 780 bas malyna 113,2 mln teńge, Aqtóbe oblysynda aýyl sharýashylyǵy janýarlarynyń 753 bas malyna 98,3 mln teńge somasynda ótemaqy tólendi. Qaraǵandy oblysynda aýyl sharýashylyǵy janýarlary boiynsha zalal tolyǵymen óteldi. Batys Qazaqstan oblysynda ótemaqyǵa 187,4 mln teńge bólindi, ótinimderdi qabyldaý rásimi júrgizilip jatyr. Tólem osy apta sońynda bastalady. Atyraý jáne Aqmola oblystarynda ótemaqy alýǵa ótinimder qabyldanýda», – dedi Oljas Tilebaldin.
Aýyl sharýashylyǵy janýarlarynyń ielerine ótemaqy tóleý biýdjet qarajatynan da, biýdjetten tys kózderden de júrgiziletinin atap ótken jón.
