Foto: TJM baspasóz qyzmeti
Soltústik Qazaqstan oblysynda sý tasqyny kezinde kvadratsiklmen qum tasyǵan balanyń ata-anasyna aiyppul salyndy, dep habarlaidy oblystyq politsiia departamenti.
Buǵan deiin 10 jastaǵy balanyń videosy jelide keńinen taraǵan bolatyn. Ol Teplichnyi aýylyn sý tasqynynan qorǵaý úshin qum salynǵan qaptardy kvadratsiklmen tasyǵan. Jergilikti ákimdik jas kómekshiniń videosyn da jariialady. Biraq politsiia videoǵa túsken balanyń ata-anasy zańdy buzdy degen sheshimge keldi.
Politseiler videonyń 26 sáýirde túsirlgenin anyqtady. Sol kúni Teplichnyi aýlynyń janyndaǵy bógetti qummen kóterý kezinde 34 jastaǵy aýdan turǵyny kvadrotsikldi 10 jastaǵy balasyna bergen. Ákesi sol úshin Ákimshilik quqyq buzýshylyq kodeksiniń 612-baby, 5-bóligi (Basqarý quqyǵy joq adamǵa kólik quralyn basqarýǵa berý) boiynsha jaýapqa tartyldy. Aiyppuldyń kólemi – 196 600 teńge.
Osy oraida politsiia sý tasqynyna qarsy sharalarǵa atsalysyp jatqan azamattarǵa alǵys bildirdi. Degenmen zań talaptaryn, sonyń ishinde balalardyń qaýipizdigin umytpaý qajet.
