فوتو: تجم باسپاسٶز قىزمەتٸ
سولتٷستٸك قازاقستان وبلىسىندا سۋ تاسقىنى كەزٸندە كۆادراتسيكلمەن قۇم تاسىعان بالانىڭ اتا-اناسىنا ايىپپۇل سالىندى, دەپ حابارلايدى وبلىستىق پوليتسييا دەپارتامەنتٸ.
بۇعان دەيٸن 10 جاستاعى بالانىڭ ۆيدەوسى جەلٸدە كەڭٸنەن تاراعان بولاتىن. ول تەپليچنىي اۋىلىن سۋ تاسقىنىنان قورعاۋ ٷشٸن قۇم سالىنعان قاپتاردى كۆادراتسيكلمەن تاسىعان. جەرگٸلٸكتٸ ەكٸمدٸك جاس كٶمەكشٸنٸڭ ۆيدەوسىن دا جارييالادى. بٸراق پوليتسييا ۆيدەوعا تٷسكەن بالانىڭ اتا-اناسى زاڭدى بۇزدى دەگەن شەشٸمگە كەلدٸ.
پوليتسەيلەر ۆيدەونىڭ 26 سەۋٸردە تٷسٸرلگەنٸن انىقتادى. سول كٷنٸ تەپليچنىي اۋلىنىڭ جانىنداعى بٶگەتتٸ قۇممەن كٶتەرۋ كەزٸندە 34 جاستاعى اۋدان تۇرعىنى كۆادروتسيكلدٸ 10 جاستاعى بالاسىنا بەرگەن. ەكەسٸ سول ٷشٸن ەكٸمشٸلٸك قۇقىق بۇزۋشىلىق كودەكسٸنٸڭ 612-بابى, 5-بٶلٸگٸ (باسقارۋ قۇقىعى جوق ادامعا كٶلiك قۇرالىن باسقارۋعا بەرۋ) بويىنشا جاۋاپقا تارتىلدى. ايىپپۇلدىڭ كٶلەمٸ – 196 600 تەڭگە.
وسى ورايدا پوليتسييا سۋ تاسقىنىنا قارسى شارالارعا اتسالىسىپ جاتقان ازاماتتارعا العىس بٸلدٸردٸ. دەگەنمەن زاڭ تالاپتارىن, سونىڭ ٸشٸندە بالالاردىڭ قاۋٸپٸزدٸگٸن ۇمىتپاۋ قاجەت.
