Foto: 24kz
Qostanaidan Qarasý aýylyna baratyn tas joldyń alty shaqyrymyn áli sý basyp jatyr. Bul týraly "Habar 24" telearnasy habarlady.
Eki aralyqta qatynaityn jurt dala jolymen júrýge májbúr. Kólkigen sýda turǵan elektr baǵandarynyń da qulaý qaýpi bar. Sondyqtan bul aýmaqta tótenshe jaǵdai rejimi áli saqtalyp otyr. Qostanaidan aýdan ortalyǵy Qarasýǵa asa bir qajettilik bolmasa, bylaiǵy jurt qazir bara qoimaidy.
Óitkeni kóktemde tas joldy sý basqannan beri, qatynas qiyndaǵan. Ol jaqqa tek seksen shaqyrym ainalma jolmen, ne jańbyr jaýsa mi batpaqqa ainalatyn dala jolymen jetýge bolady. Bárinen buryn arnaiy qyzmet kólikteriniń júrgizýshilerine qiyn.
"Jazda eki ese kóp ylǵal túsip, kóldiń sý deńgeii túspek túgili, kóterilip ketti. Soǵan bailanysty oblys basshylyǵy sý arnasyn burý úshin qosymsha aryq qazý jóninde sheshim qabyldady. Oǵan 108 million teńge bólindi", - deidi Dinara Tursynbaeva, Qarasý aýdany ákiminiń orynbasary.
Aýdanǵa tartylǵan elektr baǵandarynyń 15 protsenti qazir sýda tur. Aiaz túskenshe ol mańaidy qurǵatyp úlgermese, muz bolyp qatqan baǵan tireýishteri buzylyp, qiraýy múmkin. Olai bolǵan jaǵdaida aýdan jaryqsyz qalady.
