فوتو: 24kz
قوستانايدان قاراسۋ اۋىلىنا باراتىن تاس جولدىڭ التى شاقىرىمىن ەلٸ سۋ باسىپ جاتىر. بۇل تۋرالى "حابار 24" تەلەارناسى حابارلادى.
ەكٸ ارالىقتا قاتىنايتىن جۇرت دالا جولىمەن جٷرۋگە مەجبٷر. كٶلكٸگەن سۋدا تۇرعان ەلەكتر باعاندارىنىڭ دا قۇلاۋ قاۋپٸ بار. سوندىقتان بۇل اۋماقتا تٶتەنشە جاعداي رەجيمٸ ەلٸ ساقتالىپ وتىر. قوستانايدان اۋدان ورتالىعى قاراسۋعا اسا بٸر قاجەتتٸلٸك بولماسا, بىلايعى جۇرت قازٸر بارا قويمايدى.
ٶيتكەنٸ كٶكتەمدە تاس جولدى سۋ باسقاننان بەرٸ, قاتىناس قيىنداعان. ول جاققا تەك سەكسەن شاقىرىم اينالما جولمەن, نە جاڭبىر جاۋسا مي باتپاققا اينالاتىن دالا جولىمەن جەتۋگە بولادى. بەرٸنەن بۇرىن ارنايى قىزمەت كٶلٸكتەرٸنٸڭ جٷرگٸزۋشٸلەرٸنە قيىن.
"جازدا ەكٸ ەسە كٶپ ىلعال تٷسٸپ, كٶلدٸڭ سۋ دەڭگەيٸ تٷسپەك تٷگٸلٸ, كٶتەرٸلٸپ كەتتٸ. سوعان بايلانىستى وبلىس باسشىلىعى سۋ ارناسىن بۇرۋ ٷشٸن قوسىمشا ارىق قازۋ جٶنٸندە شەشٸم قابىلدادى. وعان 108 ميلليون تەڭگە بٶلٸندٸ", - دەيدٸ دينارا تۇرسىنباەۆا, قاراسۋ اۋدانى ەكٸمٸنٸڭ ورىنباسارى.
اۋدانعا تارتىلعان ەلەكتر باعاندارىنىڭ 15 پروتسەنتٸ قازٸر سۋدا تۇر. اياز تٷسكەنشە ول ماڭايدى قۇرعاتىپ ٷلگەرمەسە, مۇز بولىپ قاتقان باعان تٸرەۋٸشتەرٸ بۇزىلىپ, قيراۋى مٷمكٸن. ولاي بولعان جاعدايدا اۋدان جارىقسىز قالادى.
