© Sputnik / Stringer
Sý tasqyny kezinde 120 myńnan astam oqýshy qashyqtan oqyp jatyr jáne Soltústik Qazaqstan oblysynyń zardap shekken aýdandarynda BJB men TJB alynyp tastaldy. Bul týraly QR Oqý-aǵartý ministrliginiń resmi ókili Mereke Nurmuhanova Ortalyq Kommýnikatsiialar Qyzmetinde ótken brifingte málimdedi dep habarlaidy "Ult Aqparat".
"Oqý-aǵartý ministrligi oqý protsesin uiymdastyrý jáne sý tasqyny oryn alǵan óńirlerdegi balalardy ornalastyrý boiynsha jumystardy júrgizýde. Jalpy sý tasqyny oryn alǵan kezden bastap 45 myńǵa jýyq bala evakýatsiialandy. 120 myńnan astam oqýshy qashyqtyqtan oqý formatyna kóshirildi", -dep otyr ministrliktiń resmi ókili.
Ministrliktiń taratqan málimetteri boiynsha, búginde buryn evakýatsiialyq pýnktterde bolǵan 5 myńǵa jýyq bala oqý jylyn kelesi nysandarda aiaqtaýda:
- balalardy saýyqtyrý ortalyqtarynda - 600-ge jýyq oqýshy;
- kolledjder men joǵary oqý oryndarynyń jataqhanalarynda - 2 myńǵa jýyq bala;
- respýblikalyq mańyzdaǵy mektep-litseilerdiń internattarynda - 600-ge jýyq bala.
Qosymsha rezerv retinde balalarǵa 7000 oryn ázirlendi.
Aqtóbe, Atyraý oblystarynyń barlyq mektepterinde, sondai-aq Soltústik Qazaqstan oblysynyń zardap shekken aýdandarynda aǵymdaǵy baqylaý júrgizý (BJB men TJB) alynyp tastaldy. Aqmola, Qostanai, Batys Qazaqstan oblystarynda sheshim jekelegen jaǵdailarǵa bailanysty qabyldanýda.
"Elimizde sý tasqynyna bailanysty qalyptasqan jaǵdaidy, sondai-aq ata-analar qaýymdastyǵynyń usynysyn eskere otyryp, 2024 jylǵy 25 mamyrdaǵy oqý jylynyń aiaqtalýyna orai barlyq mektepterde Biryńǵai synyp saǵatyn ótkizý týraly sheshim qabyldandy.
Dástúrli túrde Biryńǵai synyp saǵatynyń aiasynda synyp jetekshileri oqýshylarymen birge ótken oqý jylynyń qorytyndysyn shyǵarady. Atap ótý kerek, attestattar tapsyrý jáne «Altyn belgimen» marapattaý/ emtihandar aiaqtalǵannan keiin/ 12-15 maýsym aralyǵynda ótedi", -dep málimdedi Mereke Nurmuhanova .
