2021-2023 jyldarǵa arnalǵan sý tasqyny qaýpin tómendetý jónindegi jańa jol kartasyn ázirleý qajet. Bul týraly QR Tótenshe jaǵdailar ministri Iýrii Ilin aitty, dep habarlaidy QazAqparat.
«2021-2023 jyldarǵa arnalǵan sý tasqyny qaýpin tómendetý jónindegi jańa jol kartasyn ázirleý qajet dep sanaimyz. Jalpy, sońǵy 3 jylda baǵdarlamalyq qujattar aiasynda 515 shaqyrym qorǵanys bógeti salynyp, 500 shaqyrymnan astam qorǵanys qurylǵylary jóndeldi. Sý tasý qaýpi bar ózenderdiń 530 shaqyrymnan astam arnasynda túbin tereńdetý, jaǵalaýlaryn nyǵaitý jumystary júrgizildi», - dedi ol Senat Tóraǵasynyń orynbasary Asqar Shákirovtiń tóraǵalyǵymen ótken Úkimet saǵatynda.
Onyń atap ótýinshe, bul sharalar 458 eldi mekendi sý basý qaýpin joiyp, 284 eldi mekenge tónetin qaterdi tómendetti. Degenmen, aýa raiyna bailanysty sý basý qaýpi óte joǵary áli de 309 eldi meken qalyp otyr.
«Maýsymdyq sý tasqynymen kúresý úshin respýblikalyq, sonymen qatar jergilikti deńgeidegi azamattyq qorǵanysty basqarý organdary tótenshe jaǵdailarǵa arnalǵan jedel basqarý jáne áreket etý júiesin ázirlep, eldi mekendi, nysandar men aýmaqtardy injenerlik qorǵaýdy qamtamasyz etýi tiis», - dedi ministr.
