Foto: el.kz
Premer-ministrdiń orynbasary – ulttyq ekonomika ministri tasqyn saldarynan kásipkerlik sýbektilerge keltirilgen múliktik shyǵyndardy óteý tártibin bekitti, dep habarlaidy «Ult aqparat».
Múliktik shyǵyndardy óteý saqtandyrylǵan múlikti qospaǵanda, shyǵyn bolǵan múliktiń qunyn nemese shaǵyn jáne orta kásipkerlik sýbektilerine (menshik ielerine) tiesili búlingen múlikti qalpyna keltirý jónindegi jumystardyń qunyn óteý jolymen júzege asyrylady.
Shyǵyn bolǵan taýarlyq-materialdyq qundylyqtardyń quny kóterme jetkizýshiniń satyp alý baǵasy boiynsha óteledi.
2024 jylǵy sý tasqynynyń saldarynan shaǵyn jáne orta kásipkerlik sýbektilerine keltirilgen múliktik shyǵyndardyń ornyn toltyrýdy aiqyndaý jónindegi oblystyq komissiianyń sheshimi shyǵyn bolǵan múliktiń qunyn nemese búlingen múlikti qalpyna keltirý jumystarynyń qunyn óteýge negiz bolady. Oblystyń jergilikti atqarýshy organynyń sheshimimen oblystyq komissiia qurylyp, biýdjetten tys qorlardan shaǵyn jáne orta kásipkerlik sýbektileriniń ótinishterin qaraý úshin qor komissiiasy qurylady.
