Foto:TJM
Búgin Energetika ministri Almasadam Sátqaliev sý tasqyny bolǵan 6 óńirde jaryqty qalpyna keltirý jumystary júrip jatqanyn aitty, dep habarlady "Ult Aqparat".
"Qostanai oblysynda bailanyssyz qalǵan abonentter sany 5 myńnan 700-ge deiin azaidy. Aqtóbe oblysynda 5,5 myńnan 13 abonentke deiin azaiyp otyr. Batys Qazaqstan, Aqmola oblystarynda bailanystan tysqary qalǵan halyq 4 ese, al Atyraý oblysynda 3 ese azaidy. Soltústik Qazaqstan oblysynda qalpyna keltirý jumystary júrip jatyr. Qalǵan 5 myń abonent sý deńgeii tómendegen soń jaryqqa qosylady, - dedi Almasadam Sátqaliev
Ministrdiń sózinshe qazirgi ýaqytta sý tasqyny saldarynan elektrden ajyrap qalǵan óńirlerdi qalpyna keltirý úshin 9 myńnan asa energetik maman, 2 145 arnaiy avtotehnika iske qosylǵan jáne de 414 mobildi elektr energiiasy kózi bar.
Sátqalievtiń sózinshe jýyq arada ártúrli klastaǵy 3 myńnan asa elektr berý jelisin qalpyna keltirý qajet eken. Ministrdiń ózi máseleni sheshýge qajetti barlyq material bar ekenin aityp otyr.
