Nurlan Aldamjarov QR Ekologiia, geologiia jáne tabiǵi resýrstar ministrligi Sý resýrstary komitetiniń tóraǵasy bolyp taǵaiyndaldy. Bul týraly ministrliktiń baspasóz qyzmeti habarlaidy.
Nurlan Januzaquly Aldamjarov 1975 jyly 12 qyrkúiekte Tashkent qalasynda dúniege kelgen. 1999 jyly Tashkent Injenerlik irrigatsiia jáne mehanizatsiia aýyl sharýashylyǵy institýtyn «injener-gidrotehnik» mamandyǵy boiynsha támamdaǵan.
Eńbek jolyn 1999 jyly Tashkent qalasynda «Tashoblmeliovodstroi» trestiniń №5 mehanikalandyrylǵan óndiristik kolonnasynyń montajnigi bolyp bastaǵan.
Túrli jyldary memlekettik jáne kommertsiialyq qurylymdarda eńbek etti.
2008-2012 jyldary — Ońtústik Qazaqstan oblysy ákimdiginiń Tabiǵi resýrstar jáne tabiǵatty paidalanýdy retteý basqarmasynyń jetekshi mamany, bas mamany.
2012-2014 jyldary — Ońtústik Qazaqstan oblysy ákimdiginiń Energetika jáne turǵyn úi-kommýnaldyq sharýashylyq basqarmasynyń bas mamany, bólim basshysy, basshynyń orynbasary.
2014-2015 jyldary — OQO Energetika jáne turǵyn úi-kommýnaldyq sharýashylyǵy basqarmasynyń basshysy, Ońtústik Qazaqstan oblysy Turǵyn úi-kommýnaldyq sharýashylyǵy jáne jolaýshylar kóligi basqarmasynyń basshysy.
2015-2016 jyldary — «Nur Otan» partiiasynyń ortalyq apparaty uiymdastyrý-baqylaý jumysy departamentiniń direktory, partiialyq baqylaý qyzmetiniń basshysy.
2016 jyldan bastap 2018 jylǵa deiin QR Aýyl sharýashylyǵy ministrligi Sý resýrstary komiteti tóraǵasynyń orynbasary qyzmetin atqardy.
2018-2020 jyldary — Jambyl oblysy Energetika jáne turǵyn úi-kommýnaldyq sharýashylyq basqarmasynyń basshysy.
