2025 jyly Memleket basshysynyń qatysýymen iske qosylǵan «Samuryq-Qazyna» AQ men Sany Renewable Energy kompaniiasynyń Shý qalasyndaǵy birlesken zaýytynda jel energetikasyna arnalǵan alǵashqy jabdyqtardy óndirý bastaldy. Bul – Qazaqstanda jańartylatyn energetikaǵa arnalǵan jabdyqtardyń jergilikti óndirisin damytý maqsatynda qurylǵan alǵashqy zaýyt. Bul týraly «Samuryq-Qazyna» Qorynyń resmi Telegram-kanalynda habarlandy.
Nysan «Jibek Joly» AEA aýmaǵynda ornalasqan jáne jel generatorlaryna arnalǵan komponentter óndirýmen ainalysady.
Jabdyqtardyń alǵashqy partiiasy 2026 jyly aqpanda Eni S.p.A. kompaniiasymen jasalǵan kelisimshart aiasynda jetkiziledi. Jabdyqtar «QazMunaiGaz» AQ men Eni S.p.A. kompaniiasy birlesip iske asyryp jatqan Jańaózen qalasyndaǵy gibridti elektr stantsiiasy úshin daiyndaldy.
Foto: «Samuryq-Qazyna» AQ
Kelisimshartqa sáikes, zaýyt 2026 jylǵy qarasha aiynyń ortasyna deiin jalpy qýaty 77 MVt bolatyn 10 jel energetikalyq qondyrǵy jiyntyǵyn óndirip, jetkizedi. 2026 jylǵy 10 tamyzdaǵy jaǵdai boiynsha zaýyt alańyna jel generatorlarynyń negizgi komponentteri – úsh gondola men úsh kúpshek jiyntyǵy jetkizildi. Tamyzdyń sońyna deiin daiyn jel energetikalyq qondyrǵylaryn keiinnen qurastyrýǵa qajetti taǵy jeti komponent jiyntyǵyn jetkizý josparlanǵan.
Sonymen qatar, Qazaqstanda jel energetikasy salasyndaǵy jobalardy iske asyrýdy josparlap otyrǵan halyqaralyq kompaniialardan jańa tapsyrystar alý boiynsha jumystar júrgizilip jatyr.
Zaýyttyń óndiristik qýaty jylyna 2 GVt-qa deiin jetedi. Kásiporynda jel generatorlaryna arnalǵan gondolalar, kúpshekter jáne basqa da negizgi komponentter óndiriledi.
«Bul joba «Samuryq-Qazyna» AQ men jel energetikasyna arnalǵan jabdyqtardy óndirý boiynsha álemdegi jetekshi kompaniialardyń biri – SANY Renewable Energy arasyndaǵy seriktestiktiń nátijesi. Joba aiasynda R&D ortalyǵy bar jańa joǵary tehnologiialyq jel generatorlarynyń óndirisi qurylýda. Bul Qazaqstanda jabdyqtardyń negizgi komponentterin óndirýge ǵana emes, sonymen qatar jel energetikasynyń zamanaýi tehnologiialary salasyndaǵy quzyretterdi damytýǵa múmkindik beredi», – dedi «Samuryq-Qazyna» AQ Basqarma tóraǵasy Nurlan Jaqypov.
Foto: «Samuryq-Qazyna» AQ
Óndiristiń iske qosylýy Jambyl oblysynda 300 turaqty jumys ornyn qurýǵa múmkindik beredi. Salyq túsimderi men basqa da mindetti tólemder jobanyń mańyzdy ekonomikalyq áseri bolmaq.
Kásiporyn jańartylatyn energetikaǵa arnalǵan jabdyqtardyń jergilikti óndirisin damytýǵa, zamanaýi tehnologiialardyń transferine jáne Qazaqstanda jel energetikasy jobalaryn iske asyrý úshin óz óndiristik bazasyn qalyptastyrýǵa yqpal etedi.
Foto: «Samuryq-Qazyna» AQ
Foto: «Samuryq-Qazyna» AQ
Foto: «Samuryq-Qazyna» AQ
