Foto: Ashyq derekkózden
Qazgidromet aldaǵy kúnderge aýa raiynyń boljamyn aitty dep habarlaidy "Ult Aqparat".
"2024 jylǵy 26-28 sáýir aralyǵynda qatty jaýyn-shashyn boljamyna bailanysty Jetisý oblysynyń taý jáne taý etegindegi aimaqtarda betkeilik aǵyndynyń qalyptasýy jáne ózenderde sý deńgeileriniń kóterilýi kútiledi, sonymen qatar sýdyń jaiylýy men sý basýy múmkin.
Eskertý: qaýipti deńgeiden asyp ketken jaǵdaida, ózenderdiń jaiylma aýmaqtarynda ornalasqan eldi mekenderdi, sharýashylyq qurylystardy jáne jergilikti mańyzy bar joldardy sý basý qaýpi saqtalady", -dedi "Qazgidromet" RMK baspasóz hatshysy Alina Ismagýlova Ortalyq Kommýnikatsiialar Qyzmetinde ótken brifingte.
Qazgidromettiń málimetinshe Qazaqstan aýmaǵynyń ońtústik, ońtústik-shyǵys, shyǵys bóligine áli de Ońtústik tsiklon áser etedi jáne atmosferalyq fronttardyń ótýimen naizaǵaimen jańbyr jaýady, eldiń shyǵysynda túnde qar, kúndiz jaýyn-shashyn (jańbyr, qar), eldiń ońtústik-shyǵysyndaǵy taýly aimaqtarda jaýyn-shashyn (jańbyr, qar), ońtústikte, ońtústik-shyǵysta qatty jańbyr, burshaq túsedi, taýly aimaqtarda qatty jaýyn-shashyn (jańbyr, qar) jaýady. Respýblika boiynsha jel kúsheiedi, ońtústikte, ońtústik-shyǵysta qatty jel soǵady. Eldiń batysynda, soltústiginde ǵana jaýyn-shashynsyz aýa-raiy saqtalady. Ulytaý oblysynyń shyǵysynda túnde 2 gradýs aiaz kútiledi. Mańǵystaý oblysynyń basym bóliginde, ortalyǵynda, shyǵysynda, batysynda órt qaýpi joǵary bolýy kútiledi.
