Nur-Sultan qalasynda qalalyq parkter jasyl arteriiaǵa biriktiriledi, iaǵni velosipedshiler men jaiaý júrginshiler joly biriktiriledi, sý betindegi qalqymaly jaǵalaý, skeit-park, kóshe kinoteatry, jańa qalalyq jaǵajai, sport pavilondary jáne basqa nysandar salynady.
Qalalyq ákimdiktiń taratqan aqparatyna qaraǵanda parkter múmkindigi shekteýli jandardyń múddelerin eskere otyryp salynady.
Jobada Esil ózeniniń boiynda uzyndyǵy 16 kilometrge jýyq jaiaý júrginshiler aimaǵy men velojol salý kózdelgen, parkterdiń jalpy aýdany – 360 gektar.
Elordany odan ári damytý «Nur-Sultan – jaily qala» master-josparyna engizilgen.
Elorda ákimi Altai Kólginovpen kezdesý barysynda sport federatsiialarynyń basshylary saiabaqtarda sportshylar men basqa da sportpen shuǵyldanatyn adamdar kiim aýystyryp, sport jabdyqtary men zattaryn salatyn oryndardyń bolmaýy týraly máseleni kóterdi.
Osylaisha, saiabaqtarda sport pavilondaryn ashý josparlanýda. Aldymen Triatlon-parkke salynbaq. Onda sheshinetin bólmeler, dýsh jáne jattyqtyrýshylar mektebi bolady.
Nur-Sultan ákimdigi 2020 jyly pandemiiaǵa qaramastan qalany abattandyrý boiynsha aýqymdy jumystar atqardy.
Jalpy alǵanda 760 myń sharshy metrden astam aýla abattandyryldy. Bul 150-den astam aýla men 60 qoǵamdyq keńistik (saiabaqtar, skverler, býlvarlar).
Qalanyń eski bóligine basa nazar aýdaryldy. Qala turǵyndary úshin Prezidenttiń tapsyrmasy boiynsha sportpen shuǵyldaný úshin jaǵdailar jasalýda.
Memleket basshysy buqaralyq sportty damytýdyń mańyzdylyǵyn airyqsha atap ótken bolatyn.
Elordanyń jas turǵyndarynyń ótinishi boiynsha alǵash ret L.N. Gýmilev atyndaǵy EUÝ janynda kópirdiń astynda ornalasqan skeit-alań ashyldy.
Sondai-aq, stritbol alańy, ústel tennisi alańy jáne workout aimaǵy bar. Biyl oqýshylar Saraiynyń janynda taǵy bir skeit-park ashylady.
Prezidenttik saiabaqta qalqymaly taqtai jaǵalaý ornatylady. Bul elorda turǵyndary men qonaqtary úshin tartymdy oryndardyń biri bolady.
Aqbulaq ózeniniń jaǵalaýy abattandyrylady, onda jańa qalalyq jaǵajai salynady.
«Biz qala turǵyndarynyń qajettilikterin eskeremiz. Turǵyndar jaiaý serýendeýdi, jalpy sportty jaqsy kórdi. Mysaly, ótken jazda alǵash ret ashylǵan jańa sahna art-keńistigin alaiyq. Qazir olar qala turǵyndarynyń súiikti oryndarynyń birine ainaldy. Salaýatty ómir salty ideiasyn nasihattaý óte mańyzdy. Birikken parkter inkliýzivti bolady, iaǵni halyqtyń barlyq toptarynyń qajettilikteri nazarǵa alynady», - dep atap ótti Ýrbanistika ortalyǵynyń basshysy Elnar Bazyken.
Saiabaq aýmaǵy qala sekildi aýqymdy kógaldandyrylatyn bolady. Elbasy suhbattarynyń birinde atap ótkendei, qalanyń bas jospary ǵimarattardyń, jasyl jelekter men ormannyń simbiozy retinde jasalǵan.
Osy taqyrypty ary qarai da jalǵastyrý qajet.
Úiler men ǵimarattardyń ainalasyna aǵash otyrǵyzý qajet, bul oryndar taqyr jer emes, jasyl bolýy kerek. Bul qazaqstandyq qatal klimat jaǵdaiynda óte mańyzdy.
