نۇر-سۇلتان قالاسىندا قالالىق پاركتەر جاسىل ارتەريياعا بٸرٸكتٸرٸلەدٸ, ياعني ۆەلوسيپەدشٸلەر مەن جاياۋ جٷرگٸنشٸلەر جولى بٸرٸكتٸرٸلەدٸ, سۋ بەتٸندەگٸ قالقىمالى جاعالاۋ, سكەيت-پارك, كٶشە كينوتەاترى, جاڭا قالالىق جاعاجاي, سپورت پاۆيلوندارى جەنە باسقا نىساندار سالىنادى.
قالالىق ەكٸمدٸكتٸڭ تاراتقان اقپاراتىنا قاراعاندا پاركتەر مٷمكٸندٸگٸ شەكتەۋلٸ جانداردىڭ مٷددەلەرٸن ەسكەرە وتىرىپ سالىنادى.
جوبادا ەسٸل ٶزەنٸنٸڭ بويىندا ۇزىندىعى 16 كيلومەترگە جۋىق جاياۋ جٷرگٸنشٸلەر ايماعى مەن ۆەلوجول سالۋ كٶزدەلگەن, پاركتەردٸڭ جالپى اۋدانى – 360 گەكتار.
ەلوردانى ودان ەرٸ دامىتۋ «نۇر-سۇلتان – جايلى قالا» ماستەر-جوسپارىنا ەنگٸزٸلگەن.
ەلوردا ەكٸمٸ التاي كٶلگٸنوۆپەن كەزدەسۋ بارىسىندا سپورت فەدەراتسييالارىنىڭ باسشىلارى ساياباقتاردا سپورتشىلار مەن باسقا دا سپورتپەن شۇعىلداناتىن ادامدار كيٸم اۋىستىرىپ, سپورت جابدىقتارى مەن زاتتارىن سالاتىن ورىنداردىڭ بولماۋى تۋرالى مەسەلەنٸ كٶتەردٸ.
وسىلايشا, ساياباقتاردا سپورت پاۆيلوندارىن اشۋ جوسپارلانۋدا. الدىمەن ترياتلون-پارككە سالىنباق. وندا شەشٸنەتٸن بٶلمەلەر, دۋش جەنە جاتتىقتىرۋشىلار مەكتەبٸ بولادى.
نۇر-سۇلتان ەكٸمدٸگٸ 2020 جىلى پاندەميياعا قاراماستان قالانى اباتتاندىرۋ بويىنشا اۋقىمدى جۇمىستار اتقاردى.
جالپى العاندا 760 مىڭ شارشى مەتردەن استام اۋلا اباتتاندىرىلدى. بۇل 150-دەن استام اۋلا مەن 60 قوعامدىق كەڭٸستٸك (ساياباقتار, سكۆەرلەر, بۋلۆارلار).
قالانىڭ ەسكٸ بٶلٸگٸنە باسا نازار اۋدارىلدى. قالا تۇرعىندارى ٷشٸن پرەزيدەنتتٸڭ تاپسىرماسى بويىنشا سپورتپەن شۇعىلدانۋ ٷشٸن جاعدايلار جاسالۋدا.
مەملەكەت باسشىسى بۇقارالىق سپورتتى دامىتۋدىڭ ماڭىزدىلىعىن ايرىقشا اتاپ ٶتكەن بولاتىن.
ەلوردانىڭ جاس تۇرعىندارىنىڭ ٶتٸنٸشٸ بويىنشا العاش رەت ل.ن. گۋميلەۆ اتىنداعى ەۇۋ جانىندا كٶپٸردٸڭ استىندا ورنالاسقان سكەيت-الاڭ اشىلدى.
سونداي-اق, ستريتبول الاڭى, ٷستەل تەننيسٸ الاڭى جەنە workout ايماعى بار. بيىل وقۋشىلار سارايىنىڭ جانىندا تاعى بٸر سكەيت-پارك اشىلادى.
پرەزيدەنتتٸك ساياباقتا قالقىمالى تاقتاي جاعالاۋ ورناتىلادى. بۇل ەلوردا تۇرعىندارى مەن قوناقتارى ٷشٸن تارتىمدى ورىنداردىڭ بٸرٸ بولادى.
اقبۇلاق ٶزەنٸنٸڭ جاعالاۋى اباتتاندىرىلادى, وندا جاڭا قالالىق جاعاجاي سالىنادى.
«بٸز قالا تۇرعىندارىنىڭ قاجەتتٸلٸكتەرٸن ەسكەرەمٸز. تۇرعىندار جاياۋ سەرۋەندەۋدٸ, جالپى سپورتتى جاقسى كٶردٸ. مىسالى, ٶتكەن جازدا العاش رەت اشىلعان جاڭا ساحنا ارت-كەڭٸستٸگٸن الايىق. قازٸر ولار قالا تۇرعىندارىنىڭ سٷيٸكتٸ ورىندارىنىڭ بٸرٸنە اينالدى. سالاۋاتتى ٶمٸر سالتى يدەياسىن ناسيحاتتاۋ ٶتە ماڭىزدى. بٸرٸككەن پاركتەر ينكليۋزيۆتٸ بولادى, ياعني حالىقتىڭ بارلىق توپتارىنىڭ قاجەتتٸلٸكتەرٸ نازارعا الىنادى», - دەپ اتاپ ٶتتٸ ۋربانيستيكا ورتالىعىنىڭ باسشىسى ەلنار بازىكەن.
ساياباق اۋماعى قالا سەكٸلدٸ اۋقىمدى كٶگالداندىرىلاتىن بولادى. ەلباسى سۇحباتتارىنىڭ بٸرٸندە اتاپ ٶتكەندەي, قالانىڭ باس جوسپارى عيماراتتاردىڭ, جاسىل جەلەكتەر مەن ورماننىڭ سيمبيوزى رەتٸندە جاسالعان.
وسى تاقىرىپتى ارى قاراي دا جالعاستىرۋ قاجەت.
ٷيلەر مەن عيماراتتاردىڭ اينالاسىنا اعاش وتىرعىزۋ قاجەت, بۇل ورىندار تاقىر جەر ەمەس, جاسىل بولۋى كەرەك. بۇل قازاقستاندىق قاتال كليمات جاعدايىندا ٶتە ماڭىزدى.
