Stýdentterdiń shákirtaqysy 2 ese, magistranttar men doktoranttardyń shákirtaqysy 1,5 ese kóbeiedi. Bul týraly Nur Otan partiiasynyń kezekten tys XX Sezinde QR Prezidenti Qasym-Jomart Toqaev aitty, dep habarlaidy "Ult aqparat".
«2025 jylǵa qarai joǵary bilim alý úshin bólinetin granttyń sany 50 paiyzǵa artady. Bul - 75 myń jas azamatymyz joǵary bilimdi tegin alady degen sóz», - dedi QR Prezidenti.
Sonymen qatar Memleket basshysy stýdentterge materialdyq qolaý kórsetý isi jalǵasa beretinin basa aitty.
«Stýdentter shákirtaqysy - 2 ese, magistranttar men doktoranttardyń shákirtaqysy 1,5 ese kóbeiedi. 2025 jylǵa qarai kolledjder men ýniversitetterdiń jataqhanasyndaǵy oryn sany kem degende 50 myńǵa artady», - dedi Qasym-Jomart Toqaev.
