Eldiń damý strategiiasy durys tańdalyp, maqsat anyq qoiylǵan jaǵdaida Prezidentti 7 jyl merzimge sailaý jetkilikti. Bundai pikirdi Jibek Joly telearnasynyń efirinde QR Prezidenti janyndaǵy Qazaqstannyń strategiialyq zertteýler institýtynyń direktory Erkin Tuqymov aitty, dep habarlaidy QazAqparat.
«Meniń oiymsha, prezidentti jeti jyl merzimge sailaý jetkilikti. Eger strategiia durys tańdalyp, maqsattar belgilense onda jeti jyl jetip jatyr. Onyń ústine prezidentti jeti jylǵa sailaý boiynsha Frantsiianyń tájiribesi bar. Al eger maqsat naqty bolmasa, onda 7 jyl turmaq 70 jyl da jetkiliksiz bolýy múmkin. Eger Qazaqstan týraly aitatyn bolsaq, jeti jyldyq merzim búkil eldi qaita quryp, ekonomika men qoǵamdy jańǵyrtýǵa da jetkilikti. Bizde qalai áreket etý kerektigi týraly túsinik bar», - dep túsindirdi QR Prezidenti janyndaǵy QSZI direktory.
Sondai-aq sarapshy jańa ózgeristerdiń ońaiǵa soqpaitynyn aitty.
«Bul ishki jáne syrtqy máseleler. Sondyqtan Prezident Qazaqstandy ózgertýge batyldyq tanytty dep sanaimyn. Rasynda bul týraly 2019 jyldyń basynan beri aityp keledi. Alaida, qoǵamdyq qoldaý bolýy kerek dep sanaimyn. Qoǵamnyń qoldaýynsyz eshqandai mindetti oryndaý múmkin emes. Ómir endi bastalady dep senemin», - dedi Erkin Tuqymov.
