Bolgariia astanasy Sofiia qalasynda bokstan ótip jatqan dástúrli «Strandj kýbogynda» qazaqstandyq burymdy boksshy jarysty birden júldeli orynnan bastaidy, dep habarlaidy QazAqparat.
Asa aýyr salmaqtaǵy qazaqstandyq boksshy Lázzát Kúngeibaeva sharshy alańǵa shyqpai-aq júldeli orynǵa shyǵa keldi.
Naqtyraq aitsaq, otandasymyz jerebe tartý qorytyndysyna sáikes, jarysty jartylai finaldan bastaityny belgili boldy.
Osylaisha, ol jekpe-jeksiz qola medalǵa qol jetkizip tur.
Sondai-aq, atalǵan týrnirde toǵyz burymdy boksshymyz shirek finalǵa shyqty. Búgin olardyń shirek finaldaǵy qarsylastary anyqtaldy.
Shirek finaldaǵy qazaqstandyq boksshylardyń qarsylastary:
Alýa Balqybekova (48 keli) - Anna Ohota (Ýkraina)
Nazym Qyzaibai (50 keli) - Laýra Fýertes Fernandes (Ispaniia)
Balaýsa Muzdyman (54 keli) - Stanimira Petrova (Bolgariia)
Dina Jolaman (54 keli) - Sheron Prisko (Italiia)
Karina Ibragimova (57 keli) - Vilma Vitanen (Finliandiia)
Valentina Halzova (70 keli) - Darima Sandakova (Resei)
Nadejda Riabets (75 keli) - Elena Gapeshina (Resei)
Anastasiia Baiazitova (81 keli) - Sohiba Rýzmetova (Ózbekstan)
Valeriia Aksenova (81 keliden joǵary) - Nandini (Úndistan)
Atalǵan týrnir 19 aqpanda bastalǵan bolatyn. Jeńimpazdar men júldegerler 28 aqpanda belgili bolady.
