بولگارييا استاناسى سوفييا قالاسىندا بوكستان ٶتٸپ جاتقان دەستٷرلٸ «ستراندج كۋبوگىندا» قازاقستاندىق بۇرىمدى بوكسشى جارىستى بٸردەن جٷلدەلٸ ورىننان باستايدى, دەپ حابارلايدى قازاقپارات.
اسا اۋىر سالماقتاعى قازاقستاندىق بوكسشى لەززەت كٷنگەيباەۆا شارشى الاڭعا شىقپاي-اق جٷلدەلٸ ورىنعا شىعا كەلدٸ.
ناقتىراق ايتساق, وتانداسىمىز جەرەبە تارتۋ قورىتىندىسىنا سەيكەس, جارىستى جارتىلاي فينالدان باستايتىنى بەلگٸلٸ بولدى.
وسىلايشا, ول جەكپە-جەكسٸز قولا مەدالعا قول جەتكٸزٸپ تۇر.
سونداي-اق, اتالعان تۋرنيردە توعىز بۇرىمدى بوكسشىمىز شيرەك فينالعا شىقتى. بٷگٸن ولاردىڭ شيرەك فينالداعى قارسىلاستارى انىقتالدى.
شيرەك فينالداعى قازاقستاندىق بوكسشىلاردىڭ قارسىلاستارى:
الۋا بالقىبەكوۆا (48 كەلٸ) - اننا وحوتا (ۋكراينا)
نازىم قىزايباي (50 كەلٸ) - لاۋرا فۋەرتەس فەرناندەس (يسپانييا)
بالاۋسا مۇزدىمان (54 كەلٸ) - ستانيميرا پەتروۆا (بولگارييا)
دينا جولامان (54 كەلٸ) - شەرون پريسكو (يتالييا)
كارينا يبراگيموۆا (57 كەلٸ) - ۆيلما ۆيتانەن (فينلياندييا)
ۆالەنتينا حالزوۆا (70 كەلٸ) - داريما سانداكوۆا (رەسەي)
نادەجدا ريابەتس (75 كەلٸ) - ەلەنا گاپەشينا (رەسەي)
اناستاسييا بايازيتوۆا (81 كەلٸ) - سوحيبا رۋزمەتوۆا (ٶزبەكستان)
ۆالەرييا اكسەنوۆا (81 كەلٸدەن جوعارى) - نانديني (ٷندٸستان)
اتالعان تۋرنير 19 اقپاندا باستالعان بولاتىن. جەڭٸمپازدار مەن جٷلدەگەرلەر 28 اقپاندا بەلگٸلٸ بولادى.
