Foto: ashyq derekkóz
Qazaqstanda zeinetaqy jinaqtaryn zańsyz shyǵarý faktilerine bailanysty birqatar ózgeris engizilmek. Densaýlyq saqtaý ministrligi 2021 jylǵy 15 aqpandaǵy «Emdelýge birjolǵy zeinetaqy tólemderin paidalaný qaǵidalaryn bekitý týraly» buiryqqa túzetýler ázirledi, dep habarlaidy Ult.kz.
Jobaǵa sáikes, tisterdi protezdeý men implantatsiialaý qyzmetterine zeinetaqy jinaqtaryn paidalaný normasy alynyp tastalady. Bul sheshim meditsinalyq qujattardy qoldan jasaý men qarajatty maqsatsyz jumsaý jaǵdailarynyń jiileýine bailanysty qabyldanǵan.
«Otbasy bankiniń» dereginshe, 2021 jyldan 2025 jylǵy 20 tamyzǵa deiin enpf-otbasy.kz platformasy arqyly «stomatologiialyq qyzmetter» maqsaty boiynsha 757 mlrd teńgege 795 myńnan astam tranzaktsiia júrgizilgen. Onyń ishinde 222 mlrd teńgeden astam qarajat TOP-20 klinikaǵa baǵyttalǵan.
Ótinimderdiń basym bóligi — 88,3%-y stomatologiialyq qyzmetterge tiesili. Negizgi klinikalar eldiń iri qalalarynda shoǵyrlanǵan.
Ministrlik engizgeli otyrǵan ózgerister densaýlyq saqtaý salasynda qarajattyń maqsatty ári ashyq qoldanylýyn qamtamasyz etýge baǵyttalǵan.
Aita keteiik, Atyraý oblysynda jalǵan stomatologiialyq ortalyqtar arqyly 200 mlrd BJZQ qarajaty urlanǵan.
