فوتو: اشىق دەرەككٶز
قازاقستاندا زەينەتاقى جيناقتارىن زاڭسىز شىعارۋ فاكتٸلەرٸنە بايلانىستى بٸرقاتار ٶزگەرٸس ەنگٸزٸلمەك. دەنساۋلىق ساقتاۋ مينيسترلٸگٸ 2021 جىلعى 15 اقپانداعى «ەمدەلۋگە بٸرجولعى زەينەتاقى تٶلەمدەرٸن پايدالانۋ قاعيدالارىن بەكٸتۋ تۋرالى» بۇيرىققا تٷزەتۋلەر ەزٸرلەدٸ, دەپ حابارلايدى Ult.kz.
جوباعا سەيكەس, تٸستەردٸ پروتەزدەۋ مەن يمپلانتاتسييالاۋ قىزمەتتەرٸنە زەينەتاقى جيناقتارىن پايدالانۋ نورماسى الىنىپ تاستالادى. بۇل شەشٸم مەديتسينالىق قۇجاتتاردى قولدان جاساۋ مەن قاراجاتتى ماقساتسىز جۇمساۋ جاعدايلارىنىڭ جيٸلەۋٸنە بايلانىستى قابىلدانعان.
«وتباسى بانكٸنٸڭ» دەرەگٸنشە, 2021 جىلدان 2025 جىلعى 20 تامىزعا دەيٸن enpf-otbasy.kz پلاتفورماسى ارقىلى «ستوماتولوگييالىق قىزمەتتەر» ماقساتى بويىنشا 757 ملرد تەڭگەگە 795 مىڭنان استام ترانزاكتسييا جٷرگٸزٸلگەن. ونىڭ ٸشٸندە 222 ملرد تەڭگەدەن استام قاراجات توپ-20 كلينيكاعا باعىتتالعان.
ٶتٸنٸمدەردٸڭ باسىم بٶلٸگٸ — 88,3%-ى ستوماتولوگييالىق قىزمەتتەرگە تيەسٸلٸ. نەگٸزگٸ كلينيكالار ەلدٸڭ ٸرٸ قالالارىندا شوعىرلانعان.
مينيسترلٸك ەنگٸزگەلٸ وتىرعان ٶزگەرٸستەر دەنساۋلىق ساقتاۋ سالاسىندا قاراجاتتىڭ ماقساتتى ەرٸ اشىق قولدانىلۋىن قامتاماسىز ەتۋگە باعىتتالعان.
ايتا كەتەيٸك, اتىراۋ وبلىسىندا جالعان ستوماتولوگييالىق ورتالىقتار ارقىلى 200 ملرد بجزق قاراجاتى ۇرلانعان.
