Foto: videodan skrinshot
Astanada Dent Park Ortho stomatologiialyq klinikasynda qaza tapqan úsh jasar balanyń ólimine bailanysty qozǵalǵan qylmystyq is boiynsha úkim shyqty. Anesteziolog Aida Jumaǵalieva kináli dep tanylǵanymen, amnistiiaǵa iligip, jazadan bosatyldy, dep habarlaidy Ult.kz.
Úkimdi sýdia Qajymuqan Mekemtas jariialady. Sot Aida Jumaǵalievany Qylmystyq kodekstiń 317-babynyń 3-bóligi boiynsha — kásibi mindetterin tiisinshe oryndamaý saldarynan abaisyzda adam ólimine ákep soqqany úshin kináli dep tanydy. Oǵan eki jylǵa bas bostandyǵynan aiyrý jáne úsh jyl merzimge meditsinalyq qyzmetpen ainalysý quqyǵynan aiyrý jazasy taǵaiyndaldy.
Alaida Qazaqstan Konstitýtsiiasynyń 30 jyldyǵyna orai qabyldanǵan amnistiia týraly zańǵa sáikes, sottalýshy negizgi jazadan bosatyldy.
Aita keteiik, qaiǵyly oqiǵa 2024 jylǵy 30 qazanda Astanadaǵy jeke stomatologiialyq klinikada bolǵan. Úsh jasar Zere Esentai bir kúnde 18 tisin emdeý kezinde kóz jumdy. Tergeý barysynda narkozdyń josparlanǵan ýaqyttan uzaqqa sozylǵany jáne meditsinalyq baqylaýda birqatar óreskel kemshilikterge jol berilgeni anyqtaldy.
25 qarashada ótken sot otyrysynda marqum balaǵa kórsetilgen meditsinalyq kómek sátinen beinejazbalar usynylǵan. Memlekettik aiyptaýshy Erkebulan Shalqarovtyń aitýynsha, saraptama qorytyndysyna sáikes, balaǵa stomatologiialyq em aldyn ala tolyq tekserýsiz júrgizilgen.
