فوتو: ۆيدەودان سكرينشوت
استانادا Dent Park Ortho ستوماتولوگييالىق كلينيكاسىندا قازا تاپقان ٷش جاسار بالانىڭ ٶلٸمٸنە بايلانىستى قوزعالعان قىلمىستىق ٸس بويىنشا ٷكٸم شىقتى. انەستەزيولوگ ايدا جۇماعاليەۆا كٸنەلٸ دەپ تانىلعانىمەن, امنيستيياعا ٸلٸگٸپ, جازادان بوساتىلدى, دەپ حابارلايدى Ult.kz.
ٷكٸمدٸ سۋديا قاجىمۇقان مەكەمتاس جارييالادى. سوت ايدا جۇماعاليەۆانى قىلمىستىق كودەكستٸڭ 317-بابىنىڭ 3-بٶلٸگٸ بويىنشا — كەسٸبي مٸندەتتەرٸن تيٸسٸنشە ورىنداماۋ سالدارىنان ابايسىزدا ادام ٶلٸمٸنە ەكەپ سوققانى ٷشٸن كٸنەلٸ دەپ تانىدى. وعان ەكٸ جىلعا باس بوستاندىعىنان ايىرۋ جەنە ٷش جىل مەرزٸمگە مەديتسينالىق قىزمەتپەن اينالىسۋ قۇقىعىنان ايىرۋ جازاسى تاعايىندالدى.
الايدا قازاقستان كونستيتۋتسيياسىنىڭ 30 جىلدىعىنا وراي قابىلدانعان امنيستييا تۋرالى زاڭعا سەيكەس, سوتتالۋشى نەگٸزگٸ جازادان بوساتىلدى.
ايتا كەتەيٸك, قايعىلى وقيعا 2024 جىلعى 30 قازاندا استاناداعى جەكە ستوماتولوگييالىق كلينيكادا بولعان. ٷش جاسار زەرە ەسەنتاي بٸر كٷندە 18 تٸسٸن ەمدەۋ كەزٸندە كٶز جۇمدى. تەرگەۋ بارىسىندا ناركوزدىڭ جوسپارلانعان ۋاقىتتان ۇزاققا سوزىلعانى جەنە مەديتسينالىق باقىلاۋدا بٸرقاتار ٶرەسكەل كەمشٸلٸكتەرگە جول بەرٸلگەنٸ انىقتالدى.
25 قاراشادا ٶتكەن سوت وتىرىسىندا مارقۇم بالاعا كٶرسەتٸلگەن مەديتسينالىق كٶمەك سەتٸنەن بەينەجازبالار ۇسىنىلعان. مەملەكەتتٸك ايىپتاۋشى ەركەبۇلان شالقاروۆتىڭ ايتۋىنشا, ساراپتاما قورىتىندىسىنا سەيكەس, بالاعا ستوماتولوگييالىق ەم الدىن الا تولىق تەكسەرۋسٸز جٷرگٸزٸلگەن.
